සෞභාග්‍යයේ දැක්ම ප්‍රතිපත්ති ප්‍රකාශනයට අනුව වස විසෙන් තොර ආහාර ජනතාවට ලබාදීමේ වැඩපිළිවෙලට වර්ෂාවෙන් බාධා සිදුවීමත් ඇතැම් නිලධා‍රීන්ගේ උනන්දුව මද කමත් නිසා එය කල් දැමීමට සිදුවූ බව ජනාධිපති ගෝඨාභය රාජපක්ෂ මහතා පවසනවා.
කෙසේ නමුත් ප්‍රතිපත්තියක් ලෙසට එය ඉදිරියටත් ක්‍රියාත්මක වන බවයි ජනාධිපතිවරයා පවසන්නේ.
එමෙන්ම, පුනර්ජනනීය බලශ්හක්තිය හරහා ඉන්ධන අර්බුධයටද විසඳුමක් සොයා ගන්නා බවත් ඔහු පවසනවා.
“එදා පාස්කු ඉරිදා ප්‍රහාරය වෙනකොට කවුද රට පාලනය කළේ? අපි ශක්තිමත් ආරක්ශක සේවාවක්, බුද්ධි සේවාවක් ඇති කරලා තිබුණු නිසයි යුද්ධය දින්නේ. නමුත් ඒ අය බලයට ඇවිල්ලා මේවා නැති කරලා මේ රටේ ජාතික ආරක්ෂාව කෙරෙහි ප්‍රමුඛත්වයක් නොදී රට පාලනය කරන්න ගිහින් තමයි පාස්කු ඉරිදා ප්‍රහාරය සිදු උනේ.
පාස්කු ඉරිදා ප්‍රහාරය සම්බන්ධයෙන් පත් කළ කොමිසමෙන් පැහැදිළිව කියලා තියෙනවා කවුද වැරදි කියලා. එවකට ජනාධිපති, අගමැති ප්‍රහාරයට වග කියන්න ඕනෙ බව එහි පැහැදිළිව කියලා තියෙනවා. අපි ඒවා පාර්ලිමේන්තුවට, සීඅයිඩියට, නීතිපතිට යොමු කරලා තියෙනවා ඒ අයට නිසි දඬුවම් ලබාදෙන්න.
අපිට බෑ මේ අයට-මේ අයට දඬුවම් දෙන්න කියන්න. ඒක අධිකරණය කරයි. හැබැයි කඩිනමින්ම කරන්න ඕනෙ නම් අපිට පුළුවන් පාර්ලිමේන්තුවේ පණතක් ගෙනල්ලා, ඒ වගකියන අයගේ අයිතිවාසිකම් අහෝසි කරන්න පුළුවන්. ඒක නම් ඉල්ලන්නේ අපි ලෑස්තියි ඒක කරන්න. අපිට 2/3ක බලය තියෙනවා. ඉතින් එක එක ඒවා ඉල්ලන කොට ටිකක් ප්‍රවේසමෙන් ඉල්ලන්න වෙයි.”
