මගීන් සහ කාර්ය මණ්ඩල සාමාජිකයින් 132 දෙනෙකු රැගත් චීනයට අයත්
Boeing737 ගුවන් යානය අනතුරට ලක්වීම පිළිබඳව ජනාධිපති ගෝඨාභය රාජපක්ෂ මහතා ට්විටර් පණිවිඩයක් නිකුත් කර තිබෙනවා.
ජනාධිපතිවරයා පවසන්නේ මෙම අනතුර පිළිබඳව තමන් බලවත් ශෝකයට පත්වන බවයි.
China Eastern සමාගමට අයත් මෙම ගුවන් යානය අනතුරට පත්වීමෙන් මියගිය අයගේ පවුල්වලට සිය බලවත් ශෝකය ප්‍රකාශ කරන බවද අදාළ නිවේදනයේ සඳහන්.
කෙසේවෙතත් මෙම ට්විටර් පණිවිඩයට ප්‍රතිචාර දක්වමින් බොහෝ දෙනා ජනාධිපති ගෝඨාභය රාජපක්ෂ මහතාව විවේචනය කර තිබෙනවා.
ඔවුන් සදහන් කරන්නේ රජයට කළමනාකරණය කල නොහැකි තරමේ ඉන්ධන අර්බුදයක් රටේ පවතින අවස්ථාවක එම පෝලිම්වලදී මේ වන විට පුද්ගලයින් සිව්දෙනෙකු ජීවිතක්ෂයට පත්ව ඇතත් ජනාධිපතිවරයා ඒ සම්බන්ධයෙන් කිසිදු ප්‍රකාශයක් නිකුත් නොකිරීම කණගාටුවට කරුණක් බවයි.
චීනයේ ජනතාව වෙනුවෙන් දුක්වීමට ඇති හදිසිය තමන් ජනාධිපති ධූරය දරන රටේ ජනතාව වෙනුවෙන් නැත්තේ ඇයිදැයි ඔවුන් ප්‍රශ්න කර සිටිනවා.
