පාර්ලිමේන්තු ප්රජාතන්ත්රවාදය ආරක්ෂා කිරීම සඳහා නියෝජ්ය කථානායක ධූරයෙන් ඉවත් නොවන ලෙස ජනාධිපති ගෝඨාභය රාජපක්ෂ මහතා විසින් රංජිත් සියඹලාපිටිය මහතා වෙත දැනුම් දී තිබෙනවා.
සියඹලාපිටිය මහතා ඊයේ (05) දිනයේ දී ජනාධිපතිවරයා වෙත ලිපියක් යොමුකරමින් තමා නියෝජ්ය කථානායක ධූරයෙන් ඉල්ලා අස්වන බවට ජනාධිපතිවරයා වෙත දන්වා තිබුණා.
සිය ලිපියෙන් ඔහු දන්වා තිබුණේ ශ්රී ලංකා නිදහස් පක්ෂය පාර්ලිමේන්තුවේ දී ස්වාධීන කණ්ඩායමක් ලෙස කටයුතු කිරීමට ගත් තීරණය අනුව තමන් නියෝජ්ය කථානායක ධූරයෙන් ඉල්ලා අස්වීමට තීරණය කළ බවයි.
නියෝජ්ය කථානායක ධූරය ස්වාධීන තනතුරක් බැවින් මේ මොහොතේ පාර්ලිමේන්තුවේ කටයුතු පවත්වාගෙන යෑම අත්යාවශ්ය කරුණක් බවත් ඒ අනුව ධූරයෙන් ඉවත් වීමට කළ ඉල්ලීම ප්රතික්ෂේප කරන බවත් ජනාධිපතිවරයා රංජිත් සියඹලාපිටිය මහතා වෙත දන්වා තිබෙනවා.
මීට අමතරව පාර්ලිමේන්තු මන්ත්රී අංගජන් රාමනාදන් මහතාට නියෝජ්ය කාරක සභා සභාපති ධූරයෙන්ද ඉවත් නොවන ලෙස ජනාධිපති ගෝඨාභය රාජපක්ෂ මහතා දැනුම් දී තිබෙනවා.