වසර 2028 වන විට මෙරට ණය ගෙවිය හැකි ආර්ථිකයක් ගොඩනැගීමේ ශක්තිය පවතින අයෙකු ජනාධිපතිවරයා බවට පත්විය යුතු බව පාර්ලිමේන්තු මන්ත්‍රී ධම්මික පෙරේරා මහතා පවසනවා.
මහනුවර පැවති වැඩසටහනකින් අනතුරුව ඒ මහතා මේ බව කියා සිටියා.
ලංකාවේ විශාලතම පක්ෂය වශයෙන් ශ්‍රී ලංකා පොදු ජන පෙරමුණ ජනාධිපතිවරණයට ඉදිරිපත් කළ යුත්තේ දිනන අපේක්ෂකයෙකු බව ඔහු තවදුරටත් ප්‍රකාශ කළා.
ධම්මික පෙරේරා මහතා තවදුරටත් සඳහන් කළේ මෙරටට ඇති ණය ගෙවිය හැක්කේ ආර්ථිකය දියුණු කිරීමෙන් පමණක් බවයි.
වසර තුනක් පුරාවට බංකොළොත් සමාගම් මිලට ගෙන ඒවා දියුණු කිරීමෙන් තමා ඒ බව කළ හැකි නායකයෙකු බවට ඔප්පු කර ඇති බවත් තමාගේ අපේක්ෂකත්වය සම්බන්ධයෙන් ශ්‍රී ලංකා පොදු ජන පෙරමුණ තීරණය කළ යුතු බවත් ධම්මික පෙරේරා මහතා මෙහිදී පවසා සිටියා.
