ඊයේ (04) පැවති 73 වන ජාතික නිදහස් සැමරුම් උත්සවයේදී ජනාධිපතිවරයා ජාතිය අමතා සිදුකල කතාවේ එක් කොටසක සදහන් වූයේ පාස්කු ප්‍රහාරයට සම්බන්ද අපරාධකරුවන්ට, මහ බැංකු වංචා වැනි අපරාධ සම්බන්ධයෙන් කඩිනමින් පියවර ගන්නා බවයි.
ජනාධිපතිවරයාගේ කතාවෙහි එම කොටස ප්‍රවෘත්තියක් ලෙස පලකර Facebook සමාජ මාධ්‍යයෙහි පලකර ඇති පුවත බොහෝ පිරිසක් හාස්‍යයට ලක්කර තිබෙනවා.
ඒ අනුව මේ වන විට අදාල පුවතට 12,000 ක පමණ පිරිසක් ප්‍රතිචාර දක්වා ඇති අතර ඉන් 9,000 ක පමණ පිරිසක් එම ප්‍රවෘත්තියට හාස්‍යජනක ප්‍රතිචාර (HaHa Reaction) පලකර තිබීම විශේෂත්වයක්.
පාස්කු ප්‍රහාරය සම්බන්දයෙන් ජනාධිපති ගෝඨාභය රාජපක්ෂ මහතා පත්කල ජනාධිපති කොමිසමේ වැඩකටයුතු පසුගියදා අවසන් වුණා.
ඒ සම්බන්දයෙන් වූ අවසන් වාර්තාව මේ වන විට ජනාධිපතිවරයා වෙත භාරදී ඇති අතර ඊයේ ජාතිය අමතමින් ජනාධිපතිවරයා පැවසුවේ එම වාර්තාවේ නිර්දේශ ක්‍රියාත්මක කිරීමට කටයුතු යොදා ඇති බවයි.
අදාල පුවත හා ඊට ලැබී ඇති ප්‍රතිචාර පහත සබැදියෙන් බලන්න…
https://www.facebook.com/sinhala.adaderana.lk/photos/a.329680883743300/3937697976274888/
