හෙට (23) සිට බත් පාර්සලයක සහ ප්ලේන්ටියක මිල ගණන් ඉහළ දැමීමට ආපනශාලා හිමියන් තීරණය කර තිබෙනවා.
අද (22) පැවති මාධ්ය හමුවක දී ආපනශාලා හිමියන්ගේ සංගමය පැවසුවේ එළවළු හිඟය හේතුවෙන් එළවළු මිල ගණන් ඉහළයාම, ගෑස් මිල ඉහළ යාම සහ සමස්ථයක් ලෙස සියලුම අත්යවශ්ය භාණ්ඩවල මිල ගණන් ඉහළයාම සලකා බලා මෙම තීරණයට එළඹි බවයි.
ඒ අනුව බත් පාර්සලයක මිල රු.20කින් ඉහළ දැමීමටත්, ප්ලේන්ටියක මිල රුපියල් 5කින් ඉහළ දැමීමටත් තීරණය කර තිබෙනවා.
එම මිල ඉහළ දැමීමත් සමඟ මාළු කෑම පාර්සලයක් රුපියල් 200ක්, එළවළු කෑම පාර්සලයක් රු. 160ක් ලෙසත් ඉහළ යන අතර මස් කෑම පාර්සලයක් රු 230 – රු 250ත් අතර මිලකට අලෙවි කරන බව ආපනශාලා හිමියන්ගේ සංගමය වැඩිදුරටත් පවසනවා.