ඊශ්රායලයේ NSO සමාගම මඟින් පෙගසස් නම් ඔත්තු බැලීමේ මෘදුකාංගය ඔස්සේ තොරතුරු ලබා ගත් අය අතරේ ඩුබායි හි කුමාරිකාවන් දෙදෙනෙක් භාවිත කරන දුරකථන අංක සොයාගෙන තිබේ.
ඩුබායි හි රජතුමා විසින් පැහැර ගෙන සඟවා සිටින බව කියන ඔහුගේ දියණිය වන ලතීෆාගේ කුමරියගේ දුරකථන අංක එම ලැයිස්තුවේ අන්තර්ගත වී ඇත.
එමෙන්ම ඔහුගේ හිටපු බිරිඳ හයා බින්ට් අල් හුසේන් කුමරියගේ දුරකථන අංක ද එහි ඇතුළත් ව ඇති බව විමර්ශන වලින් තහවුරු වී තිබේ.
පසුගිය පෙබරවාරි මැද භාගයේ දී බීබීසී පුවත් සේවය ලතීෆා කුමරියගේ රහසිගත වීඩියොවක් විකාශනය කළ අතර එහිදී ඇය කියා සිටියේ ඇය ප්රාණ ඇප කරුවකුලෙස රඳවා සිටින බවත් ඇගේ ජීවිතය අවින්ශ්චිත බවත් ය.
මේ අතර 2019 වර්ෂයේ දී හයා කුමරිය ද එංගලන්තය බලා පලා ගියේ තම ජීවිතය ගැන බියක් ඇති බව පවසමිනි.
එක්සත් අරාබි එමීර් රාජ්ය මෙම චෝදනා දෙකම ප්රතික්ෂේප කරන ලදී.
නමුත් ඔවුන්ගේ දුරකථන අංක ඊශ්රායලය විසින් පෙගසස් ඔස්සේ හැක් කරනු ලැබූ දුරකථන අංක 50,000 කට ආසන්න ලයිස්තුවේ අඩංගු වී තිබේ.
එම ලැයිස්තුව මෑතක දී ප්රධාන ධාරාවේ මාධ්ය වෙත වාර්තා වී තිබුණු අතර එම සමාගම ඔස්සේ ඔත්තුබැලූ අය අතර මාධ්යවේදීන්,දේශපාලනඥයන්, සමාජ ක්රියකාරීන් ඇතුළු බොහෝ දෙනෙකු විය.
ඇමිනෙස්ටි ඉන්ටර්නැෂනල් ආයතනය පෙන්වා දෙන්නේ මේ ඔස්සේ කුමරියන්ගේ මානව හිමිකම් දැඩි ලෙස උල්ලංඝනය වී ඇති බවයි.