පවත්නා කොවිඩ් අවදානමත් සමඟ පාර්ලිමේන්තු කටයුතු සීමාවීමෙන් මේ දක්වා රුපියල් කෝටි සියයකට ආසන්න මුදලක් ඉතිරිවී ඇති බවට වාර්තා වනවා.
පාර්ලිමේන්තු රැස්වීම්, පාර්ලිමේන්තු කාරක සභා රැස්වීම් සීමාවීම හා නොපැවැත්වීම, ආහාර සැපයීම කාර්ය මණ්ඩලය සීමිතව කැඳවීම, විදුලිය, ජලය, වායුසමීකරණ භාවිතය අඩුවීම, ප්‍රවාහන වියදම් යනාදී හේතු නිසාවෙන් මෙලෙස විශාල මුදලක් ඉතිරිවී ඇති බවයි පැවසෙන්නේ.
කෝප් සහ කෝපා ඇතුළු කාරක සභා රැස්වීම් බොහොමයක්ද පසුගිය කාලයේදී රැස්වූයේද සූම් යෙදුම ඔස්සේය.
කොවිඩ් අවදානම හේතුවෙන් පාර්ලිමේන්තු රැස්වීම් පසුගිය කාලයේදී සතිය පුරා නොපැවතුණද අවශ්‍ය රජයේ පනත් සහ රෙගුලාසි සම්මත කිරීම සඳහා පමණක් රැස්වීම් සීමිතව පවත්වනු ලැබූවා.
