කොවිඩ් රෝගීන් සහ ආශ්රිතයින් ප්රවාහනය කිරීම සඳහා මේ වන විට ගිලන් රථවල අවශ්යතාවය වැඩිවීම හේතුවෙන් අබලන් වූ ගිලන්රථ කඩිනමින් අලුත්වැඩියා කර නැවත සේවාවට එක් කිරීමට ප්රවාහන අමාත්යාංශය තීරණය කර තිබෙනවා.
මෙම වැඩසටහනේ පළමු පියවර වශයෙන් සෞඛ්ය අමාත්යාංශය විසින් සේවයෙන් ඉවත් කළ ගිලන් රථ 10 ක් ප්රතිසංස්කරණය කිරීමට ප්රවාහන අමාත්යාංශය කටයුතු කරන බවයි වාර්තා වන්නේ.
නව ප්රවාහන ඇමතිනි පවිත්රා වන්නිආරච්චි සහ වාහන නියාමනය, බස් රථ ප්රවාහන සේවා හා දුම්රිය මැදිරි හා මෝටර් රථ කර්මාන්ත රාජ්ය අමාත්ය දිලුම් අමුණුගම යන මහත්ම මහත්මීන්ගේ සහභාගීත්වයෙන් අද (07) පැවති විශේෂ සාකච්ඡාවෙන් අනතුරුව මෙම තීරණය ගෙන තිබෙනවා.
ඒ අනුව ප්රවාහන අමාත්යාංශය යටතේ ක්රියාත්මක වන ලක්දිව ඉංජිනේරු (පුද්ගලික) සමාගම මෙම ගිලන්රථ පළමු තොගය අලුත්වැඩියා කරනු ඇති.
ගිලන්රථ කඩිනමින් ප්රතිසංස්කරණය කිරීම සහ ලක්දිව ඉංජිනේරු ආයතනය සඳහා නව ආදායම් මාර්ග ඇති කිරීම ව්යාපෘතියේ අරමුණ බව ප්රවාහන ඇමතිනි පවිත්රා වන්නිආරච්චි මහත්මිය පවසනවා.