විජය පුවත්පත් ආයතනයේ සේවය කරන නිවේදකයෙක් වන ධනූ ඉනසිතම්බි මහතා හට සහ ඩේලි මිරර් පුවත්පතට පුෂ්පිකා ද සිල්වා මහත්මිය දුරකතනයෙන් තර්ජනය කර තිබෙනවා.
ඒ ප්‍රසිද්ධ සමාජ මාධ්‍ය නිවේදකයෙක් ලෙස කටයුතු කරන ධනූ ඉනසිතම්බි මහතා හා ඇමරිකාවේ Mrs. World ආයතනයේ උප සභාපති ටානා ජොන්සන් මහත්මිය අතර පැවති සම්මුඛ සාකච්ඡාවක් හේතුවෙන්.
අදාළ සම්මුඛ සාකච්ඡාව ඊයේ (31) සවස ඩේලිමිරර් වෙබ් අඩවියේ සජීවීව විකාශය කර තිබෙනවා.
එහිදී මෙරටින් Mrs. World තරඟයට සහභාගී වූ පුෂ්පිකා ද සිල්වා මහත්මිය පිළිබදවද සාකච්ඡාවී ඇති අතර එම සාකච්ඡාවේදී මතුවූ කරුණු නිසා උරණවූ පුෂ්පිකා ද සිල්වා මහත්මිය ධනූ ඉනසිතම්බි මහතා හට ඊයේ පස්වරුවේ දුරකතනයෙන් අමතා තර්ජනය කර තිබෙනවා.
ධනූ ඉනසිතම්බි මහතාටත් ඩේලි මිරර් ආයතනයටත් සිදුකළ එම තර්ජනය සම්බන්ධයෙන් ධනූ ඉනසිතම්බි මහතා ඊයේ රාත්‍රියේ මිරිහාන පොලීසියට පැමිණිල්ලක් ඉදිරිපත් කළා.
ඒ අනුව මේ සම්බන්ධයෙන් වන විමර්ශන සදහා අද දිනයේ පුෂ්පිකා ද සිල්වා මහත්මිය මිරිහාන පොලීසියට කැදවීමට නියමිතයි.
මේ අතර පුෂ්පිකා ද සිල්වා මහත්මිය රෝසි සේනානායක මහත්මියටද සිදුකල බරපතල චෝදනාවක් නිසා රෝසි සේනානායක මහත්මිය පුෂ්පිකා ද සිල්වා මහත්මියට එරෙහිවත් එම ප්‍රකාශය විකාශය කළ චමුදිත සමරවික්‍රම මහතාගේ Youtube නාලිකාවටත් නීතිමය ක්‍රියාමාර්ග ගන්නා බව News19 වෙබ් අඩවිය සමග පවසා සිටියා.
