පසුගියදා නිමාවූ ආසියානු මලල ක්‍රීඩා ශූරතාවලිය සහ ආසියානු ක්‍රීඩා උළෙල සඳහා සුදුස්සන් තේරීමේ තරගාවලියේදී රිටි පැනීමේ තරග ඉසව්වේ දී නව ශ්‍රී ලංකා වාර්තාවක් පිහිටුවීමට ශ්‍රී ලංකා යුධ හමුදාවේ ඒ. පුවිතරන් සමත් වුනා. එහි දී ඔහු දැක්වූ දක්ශතාවය මීටර් 5.15ක්.
එමෙන්ම, යොවුන් රිටි පැනීමේ ක්‍රීඩිකා ඉමාෂා සිල්වා හට එහිදී සිය පුද්ගලික හොඳම දක්ෂතාව වන මීටර් 3.70 සනිටුහන් කිරීමටද හැකි විය.
එමෙන්ම, කාලිංග කුමාරගේ මීටර් 200 පිරිමි ශූරතාව තත්පර 21.11කින් නිම කළ අතර කාන්තා මීටර් 200 ඉසව්ව මේධානි ජයමාන්න තත්පර 24.32කින් නිමා කිරීම කැපී පෙණුනා.
මෙම සුදුස්සන් තේරීමේ තරගාවලිය සැප්තැම්බර් 17 සහ 18 දෙදින දියගම මහින්ද රාජපක්ෂ ක්‍රීඩාංගණයේ දී පැවැත්විණ.
