දෙමළ ජාතික සන්ධානයේ නායක ආර්. සම්බන්ධන් උතුර නැගෙනහිර සියලු දේශපාලන පක්ෂ අද (25) කොළඹට කැඳවා ඇති බව වාර්තා වනවා.
ඒ බලය බෙදීම සම්බන්ධයෙන් පොදු මතයකට පැමිණීම සඳහා සාකච්ඡා කිරීම සඳහායි.
දෙමළ ජාතික සන්ධානය කියා සිටියේ අද (25) පස්වරුවේ මෙම සාකච්ඡාව ආර්. සම්බන්ධන්ගේ නිවසේ දී පැවැත්වීමට කටයුතු යොදා ඇති බවයි සඳහන් වන්නේ.
මෙම සාකච්ඡාව සඳහා සියලු දෙමළ පක්ෂවලට ආරාධනා කර තිබෙනවා.
ජනාධිපති රනිල් වික්‍රමසිංහ මහතා පසුගියදා පාර්ලිමේන්තුවේදී කියා සිටියේ බලය බෙදීම සම්බන්ධයෙන් සාකච්ඡා කිරීමට තමා සුදානම් බවයි.
අයවැය විවාදයෙන් අනතුරුව ලබන මාසයේ සියලු පක්ෂ සමඟ අදාළව සාකච්ඡා පවත්වන බවයි ජනාධිපතිවරයා එහිදී සඳහන් කළේ.
