ශ්‍රී ලංකාවේ කොමියුනිස්ට් පක්ෂයේ සභාපති වශයෙන් කටයුතු කළ රාජා කොල්ලුරේ මහතා වහාම ක්‍රියාත්මක වන පරිදි ඔහු දැරූ පක්ෂ සභාපතීත්වයෙන් ඉවත් කිරීමට කටයුතු කර තිබෙනවා.
ශ්‍රී ලංකාවේ කොමියුනිස්ට් පක්ෂයේ මාධ්‍ය ඒකකය නිවේදනය කරන්නේ අද (24) පක්ෂ මූලස්ථානයේ රැස්වූ පක්ෂ මධ්‍යම කාරක සභාව වෙත පක්ෂයේ දේශපාලන මණ්ඩලය විසින් ගෙන ආ යෝජනාව සම්මත වීමෙන් පසුව මෙම තීරණය ගත් බවයි.
මධ්‍යම කාරක සභා රැස්වීමෙන් අනතුරුව පක්ෂයේ ප්‍රධාන ලේකම් විශේෂඥ වෛද්‍ය ජී. විරසිංහ මහතා මේ පිළිබදව විශේෂ ප්‍රකාශයක් කිරීමටද නියමිත බව එම නිවේදනයේ සඳහන්.
වයඹ පළාත් ආණ්ඩුකාර රාජා කොල්ලුරේ මහතා පසුගියදා ප්‍රකාශ කළේ 21 වනදා පාසල් නොපැමිණෙන ගුරුවරුන් හා විදුහල්පතිවරුන්ගේ නොවැම්බර් මස වැටුප අත්හිටුවීමට තමන් කටයුතු කරන බවයි.
