සිංහරාජයේ පිහිටා ඇති රෝහිත රාජපක්ෂට අයත් හෝටලයේ කටයුතු මේ වන විට නියෝජ්ය කතානායක අජිත් රාජපක්ෂ යටතේ සිදු කරමින් පවතින බව හෙළිව තිබෙනවා.
Sinharaja Green Eco Lodge නම් මෙම හෝටලය හිටපු ජනාධිපති මහින්ද රාජපක්ෂගේ දෙටු පුත් යෝෂිත රාජපක්ෂට අයත් බවට පරිසරවේදීන් විසින් කරුණු අනාවරණය කරනු ලැබුවා.
කෙසේ වෙතත් පසුගිය මැයි මස 09 වෙනිදා රට තුල ඇතිවු කලහකාරී තත්වය සමඟ යම් පිරිසක් විසින් මෙම හෝටලයට ගිනි තබා විනාශ කර තිබුණා.
පසුව පොලිසිය සඳහා කළේ මෙම හෝටලය මහින්ද රාජපක්ෂ මහතාගේ බාල පුත් රෝහිත රාජපක්ෂට අයත් එකක් බවයි.
හෝටලය අවට ඉඩම් සිය දේශපාලන බලය යොදා ගනිමින් අත පත් කරගනිමින් පරිසර නීති අණපනත් උල්ලංඝනය කරමින් අදාළ හෝටලය පවත්වාගෙන යන බවට පරිසරවේදීන් විසිනි දිගින් දිගටම එම හෝටලයේ හිමිකරුවන්ට චෝදනා එල්ල කරනු ලැබුවා.
මේ වන විට අනාවරණය වී තිබෙන්නේ අදාල හෝටලයේ හිමිකාරීත්වය නියෝජ්ය කතානායක අජිත් රාජපක්ෂ විසින් භාරගෙන ඇති බවයි.
පරිසරවේදී සජීව චාමිකර මහතා අන්තර්ජාල නාළිකාවක් සමඟ සාකච්ඡාවකට එක්වෙමින් මෙම හෝටලේ සම්බන්ධයෙන් තවත් කරුණු රැසක් අනාවරණය කර තිබෙනවා.
ඔහු පෙන්වා දී ඇත්තේ තවදුරටත් මෙම හෝටලය අවට ඉඩම් වනසා දමමින් පරිසර විනාශය සිදුකිරීමට අදාල පිරිස් කටයුතු කරමින් සිටින බවයි.