ජයග්‍රහණය කළ නොහැකි නම් රනිල් වික්‍රමසිංහ මහතා ඡන්දයට ඉදිරිපත් නොවන බවට ඇතැමුන් ප්‍රකාශ කළද ඔහු මෙවර ජනාධිපතිවරණයට ඉදිරිපත් වන බව එක්සත් ජාතික පක්ෂයේ උප නායක අකිල විරාජ් කාරියවසම් මහතා පවසනවා.
ඒ මහතා පවසන්නේ, ඒ අනුව වත්මන් ජනාධිපති රනිල් වික්‍රමසිංහ මහතා හොඳින් නිල බලා සමීක්ෂණ කර ජනාධිපතිවරණයට ඉදිරිපත් වන බවයි.
ඔහු මේ බව කියා සිටියේ, උත්සවයක් අමතමින්.
එමෙන්ම දෙමළ මුස්ලිම් ඡන්ද සහ පොහොට්ටුවේ 69 ලක්ෂයෙන් තමාට කොපමණ ඡන්ද ප්‍රමාණයක් ලැබෙනවාද බවත් එක්සත් ජාතික පක්ෂයට නොලැබු ඡන්ද ප්‍රමාණයද ලබා ගන්නා ආකාරය ජනාධිපතිවරයා දන්නා බවත් ඔහු සඳහන් කළා.
කෙසේවෙතත් වත්මන් ජනාධිපති රනිල් වික්‍රමසිංහ මහතා මෙවර ජනාධිපතිවරණයෙන් නියත වශයෙන්ම ජයග්‍රහණය කරන බවට දන්නා බව එක්සත් ජාතික පක්ෂයේ උප නායක අකිල විරාජ් කාරියවසම් මහතා වැඩිදුරටත් සඳහන් කළා.
