අද (01) මධ්යම රාත්රියේ සිට පෙට්රල් 92 ලීටරයක් රුපියල් 40කින් සහ පෙට්රල් 95 ලීටරයක් රුපියල් 30කින් අඩු කරන බව බලශක්ති අමාත්යවරයා පවසයි.
ඒ අනුව පෙට්රල් 92 ලීටරයක නව මිල රුපියල් 410ක් වන අතර පෙට්රල් 95 ලීටරයකට නව මිල රුපියල් 510ක් වේ.
අනෙකුත් ඉන්ධන වර්ගවල මිල වෙනසක් නොවේ.
මේ අතර, කොළඹ මල්පාරේ පිහිටි ඉන්ධන පිරවුම්හලක ඉන්ධන නිකුත් කිරීමේදී වංචා සිදුකර ඇති බව මහජන උපයෝගීතා කොමිසමේ සභාපති ජනක රත්නායක ඊයේ පැවති සාකච්ඡාවකදී සඳහන් කර සිටියා.
පාරිභෝගිකයන් වෙත නිකුත් කරන සෑම ඉන්ධන ලීටරයකින්ම මිලිලීටර් 10 ක් අඩුවන පරිදි පොම්පය සකස් කර ඇති බවත් මෙම වංචාව හරහා පිරවුම්හලේ හිමිකරු විසින් එක් ලීටරයකින් රුපියල් 05 බැගින් දෛනිකව අවම වශයෙන් රුපියල් ලක්ෂ 05 ක් වංචා කර ඇති බවත් ඔහු පවසා සිටියා.