නීතිය රැකීමට සිටින පොලීසියේ ඇතැම් ඉහළ නිලධාරීන්ට ජන අරගලය වහක් වී තිබෙන බව ප්රවීණ රංගන ශිල්පිනි දමිතා අබේරත්න පවසනවා.
ඇය ඒ බව සඳහන් කළේ පසුගිය මැයි 25 වන දින කොළඹ කොටුව මහේස්ත්රාත් අධිකරණයට පිවිසෙන මාර්ගය අසල පොලිස් මාර්ග බාධකයේ සිටි නිලධාරීන්ගේ රාජකාරියට බාධා කිරීම ඇතුළු චෝදනා කිහිපයක් සම්බන්ධයෙන් අධිකරණයට ඉදිරිපත් වූ අවස්ථාවේ ශරීර ඇප මත මුදාහැරීමට කොටුව මහේස්ත්රාත් අධිකරණය දුන් නියෝගයෙන් අනතුරුව ඊයේ (09) මාධ්ය වෙත අදහස් දක්වමිනි.
අදාල ඉහළ නිලධාරීන් පත්වන්නේම ජරා මජර ක්රමය යටතේ වන හෙයින් ඔවුන් තවදුරටත් සේවය කරන්නේ එම පාලකයන්ට බවත් ඇය සඳහන් කර සිටියා.
එහෙත් හොරා කෑ,අරගලයට ප්රචණ්ඩත්වය එවූ සියලු දෙනා අදටත් නිදැල්ලේ සිටින බවයි අබේරත්න මහත්මිය පැවසුවේ.
කලා ශිල්පිනියක් ලෙස තමන් පාරට බැස්සේ රටේම ජනතාව වෙනුවෙන් වන අතර වත්මන් ජනාධිපතිවරයා අගමැතිවරයාව සිටියදී අරගලය හොඳ වූ බවත් ජනාධිපති වීමෙන් අනතුරුව අරගලය නරක වූ බවත් ඇය ප්රකාශ කරනවා.
අරගලයේ පිහිටෙන්ම ජනාධිපති වූ රනිල් වික්රමසිංහට අවසානයේ අරගලය නරක වූයේ කෙසේද යන්න පිළිබඳව ද ඇය ප්රශ්න කර සිටිනවා.