එක්සත් ජාතික පක්ෂය ට පාර්ලිමේන්තුවේ හිමිව ඇති ජාතික ලැයිස්තු මන්ත්‍රී ධුරය සඳහා පක්ෂ නායක රනිල් වික්‍රමසිංහ මහතා පත්කිරිමට අද (31) පැවති පක්ෂ කතාධිකාරී මණ්ඩල රැස්වීමේදී ඒකමතිකව තීරණය වී තිබෙනවා.
එක්සත් ජාතික පක්ෂයේ සභාපති වජිර අබේවර්ධන මහතා විසින් එම යොජනාව ඉදිරිපත් කර ඇති අතර හිටපු පාර්ලිමේන්තු මන්ත්‍රී ආනන්ද කුලරත්න මහතා විසින් එය ස්ථිර කර බවයි වාර්තා වන්නේ.
ඒ අනුව මීළඟ පාර්ලිමේන්තු සැසිවාරයට සහභාගීවීම සඳහා රනිල් වික්‍රමසිංහ මහතා පාර්ලිමේන්තුවට පැමිණෙන බවට පක්ෂ ආරංචි මාර්ග සඳහන් කරනවා.
