අපහසු කාලයකදී රට භාරගත් නායකයාව පහසුවෙන් පරාජය කිරීමට නොහැකි බවත්, ගෑස් සිලින්ඩරය දුටු විට රනිල් වික්‍රමසිංහ මහතාව සිහි විය යුතු බවත්, පාර්ලිමේන්තු මන්ත්‍රී හරීන් ප්‍රනාන්දු මහතා පවසනවා.
ඔහු මේ බව කියා සිටියේ, ඊයේ (08) රනිල් වික්‍රමසිංහ මහතාගේ ප්‍රධානත්වයෙන් වැලිමඩ පැවති ජන හමුවකට එක්වෙමින්.
එහිදී වැඩිදුරටත් අදහඩ් හැක්වූ ඔහු කියා සිටියේ,
“අමාරු වෙලාවක රට භාරගත්තා මිනිහා ජීවිතේට පරාජය කරන්න බෑ…බෑ.. බෑමයි. කරනවා කියපු මිනිහට දෙනවාද කරපු මිනිහට දෙනවද කියලා අහන්න ඔනේ මිනිස්සුන්ගෙන්. ගෙදර ගෑස් එක ගහනකොට, ටොග් ගාලා ගෑස් එක ගහනකොට රනිල් කියලා කියන්න මතක් කරගන්න. මම මේ අනිත් අයට කියන්නේ, ගෑස් සිලින්ඩරයට ඡන්දේ දෙන්නේ නැති එකා ඡන්දේ දවසේ උඹ තේකක්වත් බොන්න එපා. ගෑස් ලිප ගහන්න එපා, ගෑස් ලිප පුපුරලා යයි රනිල්ට ගැහුවේ නැත්තම්…
ගෑස් සිලිනඩර්ය දකිනකොට රනිල් වික්‍රමසිංහව මතක් වෙන්න ඕනේ. ඔබතුමන්ලාගෙන් ඉල්ලීමක් කරනවා ඡන්දෙට ඉස්සෙල්ලා දවසේ බයිසිකලේට පුලුවන් නම් ගෑස් එකක් ගැටගහගෙන පාරේ වටේ යන්න…”
