මත්පැන් හා දුම්වැටිවල මිල ඊයේ (01) මධ්‍යම රාත්‍රීයේ සිට ක්‍රියාත්මක වන පරිදි ඉහළ දමා තිබෙනවා.
ඒ අනුව DCSL සමාගම විසින් සෑම මත්පැන් වර්ගයකම මිල ඉහළ දමා ඇති අතර මිලිලීටර් 750 අති විශේෂ මත්පැන් බෝතලය මිල රුපියල් 150කින් ඉහළ දැමීමට තීරණය කර තිබෙනවා
ඊට සමගාමීව අනෙක් මත්පැන්වල මිල ගණන් ද ඉහළ දමා ඇති බවයි වාර්තා වන්නේ.
මේ අතර ඊයේ මධ්‍යම රාත්‍රියේ සිට දුම්වැටි වර්ග දෙකක මිලද රුපියල් 5කින් ඉහළ දැමීමට ලංකා දුම්කොළ සමාගම පියවර ගෙන තිබෙනවා.
අනෙකුත් දුම්වැටි නිෂ්පාදනවල මිල ගණන් මෙතෙක් තීරණය කර නොමැති බවයි වාර්තා වන්නේ.
ඔක්තොම්බර් මස 1 වන දින සිට ක්‍රියාත්මක වන පරිදි 2.5% ක සමාජ ආරක්ෂණ බද්දක් පැනවීම මෙම මිල ගණන් ඉහළ යාමට හේතුවී තිබෙනවා.
