බන්ධනාගාරයෙන් ලබාදුන් ආහාර සම්බන්ධයෙන් රන්ජන් රාමනායක මහතා පසුගියදා කළ ප්‍රකාශය සම්පූර්ණයෙන් ප්‍රතික්ෂේප කරන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් චන්දන ඒකනායක මහතා පවසනවා.
ඊයේ (30) විශේෂ ප්‍රවෘත්ති සාකච්ඡාවක් පවත්වමින් ඒකනායක මහතා සඳහන් කළේ සැපයුම්කරුවන් සපයන අමු ආහාර සියල්ල සලාක කාමරයේදී පරීක්ෂා කර මහජන සෞඛ්‍ය පරීක්ෂකවරුන් හරහා වාර්තාවක් ලබාගන්නා බවයි.
මුළුතැන්ගෙයි සියලු කටයුතු බන්ධනාගාර නේවාසිකයින් විසින් සිදුකරන අතර ඔවුන් ඔවුන්ගේ ආහාර අපිරිසිදු ලෙස සකස්කර නොගන්නා බව ඒ මහතා පෙන්වා දෙනවා.
වසර එකහමාරක කාලයක් පුරා බන්ධනාගාරය විසින් රන්ජන්ව හොඳින් බලාගත් බවත් ඒ අවස්ථාවලදීවත් ආහාර පිළිබදව රන්ජන් රාමනායක මහතා මෙවැනි චෝදනාවක් එල්ල නොකළ බවත් බන්ධනාගාර මාධ්‍ය ප්‍රකාශකවරයා සදහන් කරනවා.
ඊට අදාළ දර්ශන පහතින්,
