සිරදඬුවම් නියමව බන්ධනාගාර රෝහලේ ප්‍රතිකාර ලබමින් සිටින හිටපු පාර්ලිමේන්තු මන්ත්‍රී රන්ජන් රාමනායක අයත් ජංගම දුරකතනයක් සහ හැන්ඩ් ෆ්‍රී එකක් බන්ධනාගාර නිලධාරින් විසින් සොයාගෙන තිබේ.
අගුණුකොලපැලැස්ස බන්ධනාගාරයේ සිරදඩුවම් විදින හිටපු පාර්ලිමේන්තු මන්ත්‍රි රංජන් රාමනායක දණහිසේ ඇතිවු ආබාදයක් හේතුවෙන් වෛද්‍ය උපදෙස් මත කොළඹ ජාතික රෝහලේ විකලාංග සායනයට ඉදිරිපත් කිරිම සඳහා මෙමස 10 වන දින කොළඹ වැලිකඩ බන්ධනාගාර රෝහලට මාරුකරන ලදි.
ඒ අනුව ප්‍රථිකාර සඳහා බන්ධනාගාර රෝහලේ රදවා සිටින හිටපු පාර්ලිමේන්තු මන්ත්‍රි රංජන් රාමනායකගේ වාට්ටුව පරික්ෂා කළ බන්ධනාගාර රෝහලේ රාජකාරියේ නියුතු බන්ධනාගාර නිළධාරින්ට එහි තිබී පෙරේදා (21) ජංගම දුරකථනයක් හා හැන්ඩ් ෆ්‍රී එකක් හමුව තිබේ.
ඒ සම්බන්ධයෙන් බන්ධනාගාර අඥාපනතේ 78 වගන්ති ප්‍රකාරව චෝදනා නගා බන්ධනාගාර ත්‍රිපුද්ගල විනිශ්චය මණ්ඩලය හමුවට ඉදිරිපත් කිරීමට නියමිතව ඇති බව බන්ධනාගාර ආරංචි මාර්ග සඳහන් කරයි.
එමෙන්ම මෙම සිදුවීම සම්බන්ධයෙන් බන්ධනාගාර දෙපාර්තමේන්තුව වැඩිදුර විමර්ශනයක් ආරම්භ කර තිබේ.
