ජනාධිපති සමාව යටතේ නිදහස හිමිවූ හිටපු පාර්ලිමේන්තු මන්ත්‍රී රන්ජන් රාමනායක ඔහුගේ නව වගකීම භාරගත් බව අමාත්‍ය මනූෂ නානායක්කාර මහතා පවසනවා.
ඒ අනුව විදේශගත ශ්‍රමිකයන්ගේ සුබසාධනය සහ ප්‍රවර්ධනය සඳහා වන තානාපති ලෙස රන්ජන් රාමනායක පත්කර තිබෙනවා.
විදේශ රැකියාවල නියුතු ශ්‍රමිකයන් සම්බන්ධයෙන් රන්ජන් රාමනායක මහතාට පවතින දැනුම සහ අදහස් ප්‍රයෝජනයට ගෙන ඔවුනට යම් සේවයක් කිරීම සඳහා මෙම තනතුර පිරිනැමූ බවයි විෂයභාර අමාත්‍ය මනූෂ නානායක්කාර පවසන්නේ.
ස්වේච්ඡා සේවයක් ලෙස කටයුතු කිරීම සඳහා මෙම තනතුර ප්‍රදානය කර තිබෙනවා.
කෙසේ වෙතත්, ඊයේ (26) දින මාධ්‍ය වෙත අදහස් දක්වමින් රන්ජන් රාමනායක පවසා සිටියේ තමා එම තනතුර තවමත් භාර නොගත් බවයි. ඒ සඳහා සිතීමට තමන්ට තවත් කල් අවශ්‍ය බව ඔහු එහිදී පවසා සිටියා.
මේ අතර, බන්ධනාගාරගතව සිට නිදහස් වී පැමිණෙන රන්ජන් රාමනායක සමඟ පැමිණි අමාත්‍ය මනූෂ නානයක්කාර හට ජනතාව හූ හඬ තැබුවේ මෙසේයි.
