ජනප්රිය රංගන ශිල්පි, හිටපු පාර්ලිමේන්තු මන්ත්රී රන්ජන් රාමනායක මහතාට දඬුවම් දෙකක් ලබාදී තිබීම බරපතල වැඩි බව තමන්ගේ පුද්ගලිකව අදහසැයි සම කැබිනට් ප්රකාශක, ජනමාධ්ය අමාත්ය ඩලස් අලහප්පෙරුම මහතා පවසනවා.
අමාත්යවරයා මේ බව පැවසුවේ රජයේ ප්රවෘත්ති දෙපාර්තමේන්තුවේ දී අද (22) පැවති කැබිනට් තීරණ දැනුම්දීමේ මාධ්ය හමුවේදී මාධ්යවේදියෙකු නැගූ පැනයකට පිළිතුරු දෙමින්.
රන්ජන් රාමනායක මහතාට අධිකරණයෙන් ලද දඬුවමට අමතරව 150,000කට ආසන්න මනාප ප්රමාණයක් සහිතව තේරී පත්වූ ඔහුගේ මන්ත්රීධූරයද අහෝසි වූ බව ඔහු එහිදී සිහිපත් කර සිටියා.
එය පුරවැසියකුට දිය හැකි බරපතල දඬුවමක් බවත් රන්ජන් රාමනායක මහතාට එවැනි දඬුවම් දෙකක් හිමිවීම බරපතල වැඩි බවත් ප්රකාශ කළ අමාත්යවරයා රාජ්ය නායකයා හෝ ආණ්ඩුව ඔහු දෙස ද්වේශසහගතව නොබලන බවත් ඒ සම්බන්ධව ධනාත්මකව කල්පනා කළ යුතු බවත් පවසා සිටියා