මී උණ වැළඳීමෙන් යාපනයේ මියගොස් ඇති රෝගීන් සංඛ්යාව 8 දක්වා ඉහළ ගොස් තිබෙනවා.
සෞඛ්ය අමාත්යාංශයේ වසංගත රෝග විද්යා ඒකකය පැවසුවේ, මේ වන විට 39 දෙනෙකු රෝහල් ගතව ප්රතිකාර ලබන බවයි.
ඉන් රෝගීන් 28 දෙනෙකු පේදුරුතුඩුව රෝහලේ ප්රතිකාර ලබනවා.
සෙසු රෝගීන් 11 දෙනා යාපනය රෝහලේ ප්රතිකාර ලබමින් සිටින බවයි පැවසෙන්නේ.
සෞඛ්ය අමාත්යාංශයේ වසංගත රෝග විද්යා ඒකකය සඳහන් කළේ, පේදුරුතුඩුව, චාවකච්චේරී සහ කරවෙඩ්ඩි යන සෞඛ්ය වෛද්ය නිලධාරී කොට්ඨාසවලින් මී උණ රෝගීන් වාර්තා වන බවයි.
වසරේ ගතවූ කාලය තුළ මෙරටින් මී උණ රෝගීන් දොළොස් දහසකට ආසන්න සංඛ්යාවක් වාර්තාවී තිබෙනවා.
දෙසැම්බර් මාසයේ මුල් දින 15 තුළ පමණක් මී උණ රෝගීන් 85 දෙනෙකු වාර්තා වුණා.
සමස්ත මරණ සංඛ්යාව, 200 ක් පමණ වනවා.
