රතිඳු සේනාරත්න හෙවත් රැට්ටා කොළඹ අපරාධ කොට්ඨාශය විසින් අත්අඩංගුවට ගෙන තිබෙනවා.
ඒ අද (01) පෙරවරුවේ ප්රකාශයක් ලබාගැනීම සඳහා කොළඹ අපරාධ කොට්ඨාශයට කැඳවීමෙන් අනතුරුවයි.
ඔහුගේ නීතිඥවරයා පැවසුවේ, මෙහිදී පැය ගණනාවක් රැට්ටා ගෙන් ප්රකාශය ලබාගැනීමෙන් අනතුරුව කොළඹ අපරාධ කොට්ඨාශය වෙත පැමිණි කොම්පඤ්ඤවීදිය පොලිසියේ පිහිටි විශේෂ ඒකකයක නිලධාරියෙකු පැමිණ රතිදු සේනාරත්නව අත්අඩංගුවට ගත් බවයි.
මේ අතර රතිඳු සේනාරත්න ඇතුළු තිදෙනෙකුට විදෙස්ගතවීම වළක්වාළමින් කොළඹ කොටුව මහේස්ත්රාත් තිළිණ ගමගේ මහතා විසින් අද (01) නියෝගයක්ද නිකුත්කර කළා.
කොළඹ කොටුව පොලිස් බලප්රදේශය තුළ අයුතු ජනරාශියක සාමාජිකයන් වශයෙන් කටයුතු කිරීම ඇතුළු චෝදනා මත කොටුව පොලිසිය විසින් ගොනුකර ඇති පැමිණිල්ලක සැකකරුවන් ලෙස නම් කර ඇති මොවුන් විදේශගතවීමේ අවදානමක් ඇති බවට මීට පෙර පොලිසිය අධිකරණයට දන්වා තිබුණා.
එම දැනුම්දීම සළකා බැලීමෙන් අනතුරුව මහේස්ත්රාත්වරයා මෙම නියෝගය නිකුත්කර කළා.