19 වන සංශෝධනය බලාත්මක වන්නේ නම් වත්මන් ජනාධිපතිවරයා සමග වුවද, වැඩ කිරීමට සූදානම් බව සමගි ජනබලවේගයේ පාර්ලිමේන්තු මන්ත්රි ආචාර්ය හර්ෂ ද සිල්වා පවසනවා.
ඒ, ගුවන් විදුලි නාලිකාවක් සමඟ අදහස් දක්වමින්.
තමාව ජනාධිපති ධූරයට සුදුසු බව හරීන් ප්රනාන්දු මන්ත්රීවරයා පැවසුවද තවමත් එවැනි අදහසක් නොමැති බවයි ඔහු පවසන්නේ.
වත්මන් රජය සහ ජනාධිපතිවරයා සම්බන්ධව ජනතාවට විශ්වාසයක් නොමැති බැවින් වහාම එම විශ්වාසය ගොඩ නැගිය යුතු බවත් ඒ වෙනුවෙන් නව රජයක් පිහිටුව යුතු බවත් එලෙස ගොඩ නගන රජයක් විසින් ආදායම් සහ වියදම් අතර පරතරය අඩු කර, මූල්ය විනයක් ඇති කර, ණය ප්රති ව්යුහ ගතකර, රුපියල ස්ථාවර කර, දර්ද්රතාවය වෙනුවෙන් සමාජ ආරක්ෂණ දැළක් ඇති කළ යුතුව ඇති බවත් ඔහු පවසනවා.
කෙසේ නමුත් 19වන ව්යවස්ථා සංශෝධනය නැවත බලාත්මක කරන්නේ නම් වත්ම ජනාධිපතිවරයා සමඟ ද වැඩ කිරීමට සූදානම් බවත් ඔහු පවසනවා.
කෙසේ නමුත් එහිදී විධායක ජනාධිපති ධූරය අහෝසි කරමින්, කෙටි කාලීන-අන්තර්කාලීන වැඩපිළිවෙලක් සඳහා පමණක් එකඟ වන බවයි ඔහු පවසන්නේ.