ඕස්ට්රේලියාවේ The Sydney Morning Herald සහ The Age යන පුවත්පත් ඒකාබද්ධ වාර්තාවක් මගින් ඉදිරි වසර තුන තුළ චීනය සමඟ යුද්ධයකට සූදානම් වන ලෙස රටට අනතුරු අඟවා තිබේ.
“Red Alert” නම් වූ ස්වාධීන වාර්තාව, Alan Finkel, Peter Jennings, Lavina Lee, Mick Ryan සහ Lesley Seebeck යන ආරක්ෂක විශ්ලේෂකයින් පස් දෙනෙකු විසින් රචනා කර ඇත.
තායිවානය සහ චීනය සම්බන්ධ ගැටුමකට ඇති ඉඩ ඕස්ට්රේලියානු පුරවැසියන් සිතනවාට වඩා බොහෝ සෙයින් වැඩි බව අදාල වාර්තාව පෙන්වා දෙයි.
විශ්ලේෂකයින්ගේ සාමාන්ය මතය වන්නේ චීනය සහ තායිවානය සම්බන්ධ යුද්ධයකට ඈඳීමට ඔස්ට්රේලියාව සූදානම් නැති නමුත්, රට හදිසි අවස්ථාවක් වෙනුවෙන් සූදානම් වීම ආරම්භ කළ යුතු බවයි.
තවද, එක්සත් ජනපදය සමඟ රටෙහි ඇති සන්ධානය අනුව, ඕස්ට්රේලියාවට යුද්ධයකට සම්බන්ධ වීම වළක්වා ගැනීම ඉතා අපහසු වනු ඇතැයිද එම වාර්තාවේ සඳහන් වේ.