1997 වසරේ ආරම්භ වුණු ස්වර්ණවාහිනී නාලිකාවට බොහෝ දෙනෙක් ආදරය කරන්න පටන්ගත්තේ එම නාලිකාවේ විකාශය වුන ප්‍රේක්ෂකයන් ඇඳ බැදගන්නා ආකර්ශනීය ටෙලි නාට්‍ය පෙල නිසයි.
2002 වසරේදී EAP Networks Limited වෙතින් නිෂ්පාදනය කල හරි අපූරු කතාවක් සංජය මහවිතානගේ ගේ අධ්‍යක්ෂණයෙන් විකාශය වුණා.
එම ටෙලි නාට්‍ය මේ වන විට ජනප්‍රිය නළුවකු වන සුරාජ් මාපාගේ පළමුවන ටෙලිනාට්‍යයයි.
එමෙන්ම එම ටෙලිනාට්‍යයේ ප්‍රධාන නිළිය එකල කාගේත් හිත් ඇදගත් සුන්දර රූසපුවකින් හෙබි රූමත් තරුණියක්.
ඇය නමින් කේෂිනී ගෝමස්.
ටෙලි නාට්‍යයේ කතාවට අනුව සුරාජ් මාපා වෙළෙඳ ප්‍රචාරන ආයතනයක සේවය කරන තරුණයෙක් වන අතර කේෂිනී අන්ධ තරුණියක්.
කතාවේ සුරාජ් මාපාගේ නම ‘අලෝක’ ලෙස යොදා තිබූ අතර කේෂිනීගේ නම වශයෙන් ‘අමන්දි’ ලෙස යොදා තිබුණා.
ආලෝක හට අමන්දි මුණ ගැසෙන විටත් ඔහු පෙම්වතෙක් වන අතර ඔහුගේ පෙම්වතියගේ චරිතයට පණ පොවන්නේද මේ වන විට ක්ෂේත්‍රයෙන් ඈත්වී සිටින නිරාෂා ඒකනායකයි.
ඉතාමත් සුන්දර කතා තේමාවක් යටතේ මෙම ටෙලි නාට්‍ය විකාශය වූ අතර එකල ප්‍රේක්ෂකයින් දැඩිව කේෂිනීට ඇලුම් කළා.
කෙසේ වෙතත් මෙම ටෙලි නාට්‍යයෙන් පසුව කේෂිනී කිසිදු නිර්මාණයකට සහභාගීවූයේ නැහැ.
‘මගේ සඳ ඔබ’ ටෙලි නාට්‍ය වෙනුවෙන් සුරාජ් මාපා නැගී එන නළුවා සම්මානය 2002 වසරේ හිමිකරගනිද්දී නැගී එන නිළිය සම්මානය කේෂිනීට හිමිවුවද එය ලබාගැනීමට හෝ ඇය පැමිණ සිටියේ නැහැ.
ඉන්පසුව මේ වන තෙක්ම සැඟව ගිය කේෂිනී ගෝමස් පිළිබදව කිසිදු තොරතුරක් කලා ලෝකයෙන් නොඇසීම පිළිබදව බොහෝ දෙනා විමතිය පලකරනවා.
