උතුර, නැගෙනහිර, උතුරු-මැද සහ ඌව පළාත්වලත් මාතලේ දිස්ත්රික්කයේත් ඇතැම් ස්ථානවලට මිලිමීටර් 100 ට වැඩි තද වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා.
ඒ, ගිණිකොනදිග බෙංගාල බොක්ක මුහුදු ප්රදේශ ආශ්රිතව නිර්මාණයවී ඇති අඩු පීඩන කලාපය හේතුවෙන්.
කාලගුණ විද්යා දෙපාර්තමේන්තුව පවසන්නේ එම පද්ධතිය තවදුරටත් සෙමින් වර්ධනය වෙමින් බටහිරට බරව වයඹ දෙසට ගමන් කරනු ඇති බවයි.
ෙඅනතුරුව එය දිවයිනේ උතුරට ආසන්නව තමිල්නාඩු වෙරළ දෙසට ගමන් කිරීමේ හැකියාවක් පවතින බව එම දෙපාර්තමේන්තුව සඳහන් කළා.
දිවයිනේ බොහෝ ප්රදේශවල සවස් කාලයේ හෝ රාත්රී කාලයේ තැනින් තැන වැසි හෝ ගිගුරුම් සහිත වැසි ඇතිවිය හැකි බව ඔවුන් පවසනවා.
උතුර ,උතුරු-මැද සහ වයඹ පළාත්වලත් මාතලේ සහ ත්රිකුණාමලය දිස්ත්රික්කවලත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකියි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවට දැනුම් දෙනවා.
මේ අතර, අඩුපීඩන කලාපය සම්බන්ධයෙන් සිය දෙපාර්තමේන්තුව විසින් නිකුත් කරනු ලබන ඉදිරි අනාවැකි සහ නිවේදන පිළිබඳව අවධානයෙන් පසුවන ලෙස කාලගුණ විද්යා දෙපාර්තමේන්තුව බෙංගාල බොක්ක මුහුදු ප්රදේශයේ ධීවර සහ නාවුක කටයුතුවල යෙදෙන ප්රජාවට දැනුම් දෙනවා.
මේ අතර,, පවතින වර්ෂාවත් සමග දිස්ත්රික්ක 04කට නායයෑම් පිළිබඳ අනතුරු ඇඟවීම් නිකුත් කර තිබෙනවා.
ජාතික ගොඩනැගිලි පර්යේෂණ සංවිධානය පැවසුවේ බදුල්ල, මහනුවර, කුරුණෑගල, සහ මාතලේ දිස්ත්රික්කයේ ප්රාදේශීය ලේකම් කොට්ඨාස කිහිපයක් සඳහා එලෙස නිවේදන නිකුත් කර ඇති බවයි.
