ආන්දෝලනයට තුඩුදී ඇති නව නීතිපති දෙපාර්තමේන්තු ගොඩනැගිල්ලේ ඉලෙක්ට්‍රොනික පුස්තකාලයෙහි සමරු ඵලකය ඉවත්කිරීමට නීතිපති දෙපාර්තමේන්තුව කටයුතු කල බව නීතිපති මාධ්‍ය ප්‍රකාශිකා රජයේ නීතිඥ නිෂාරා ජයරත්න මෙනෙවිය සදහන් කරනවා.
ඇය සඳහන් කරන්නේ ඒ වෙනුවට දෙමළ භාෂාව සහිත නව ඵලකයක් එම ස්ථානයෙහි ඉදිකිරීමට කටයුතු කරන බවයි.
පසුගියදා අග්‍රාමාත්‍ය මහින්ද රාජපක්ෂ මහතා විසින් නීතිපති දෙපාර්තමේනතුවේ නව ගොඩනැගිල්ල විවෘත කර තිබුණා.
එම ගොඩනැගිල්ලේ සමරු ඵලකය සිංහල, දෙමළ හා ඉංග්‍රීසි භාෂාවෙන් තිබුණද ඉලෙක්ට්‍රොනික පුස්තකාලයේ සමරු ඵලකය සිංහල, ඉංග්‍රීසි හා චීන භාෂාවෙන් ඉදිකර තිබුණා.
නීතිපති දප්පුල ද ලිවේරා මහතා සහ ශ්‍රී ලංකාවේ චීන තානාපති කී. සෙන්හොංග් මහතා විසින් එය විවෘත කෙරුණා.
වැඩිදුර කියවන්න,
