කොවිඩ් පැතිරීම පාලනය කිරීම සඳහා මාස දෙකක පමණ කාලයක් රටපුරා ක්රියාත්මක කෙරුණු පළාත් අතර සංචරණ සීමා රජය විසින් අද (01) අළුයම ඉවත් කරනු ලැබුවා.
කොවිඩ් 19 පැතිරීම වැළැක්වීමේ ජනාධිපති කාර්ය සාධක බලකාය සදහන් කළේ රට සාමාන්යකරණයට පත් කිරීම සඳහා රජය මෙම පියවර ගත් බවයි.
මේ අතර මහජන සෞඛ්ය පරීක්ෂකවරුන්ගේ සංගමය සදහන් කරන්නේ පළාත් අතර සංචරණ සීමා ඉවත් කරන්නේ විනෝද චාරිකා සඳහා යෑමට නොවන බවයි.
එම සංගමයේ සභාපති උපුල් රෝහණ මහතා සදහන් කරන්නේ රට පුරා විවිධ ප්රදේශවලින් යළිත් රෝගීන් වාර්තාවීම ඉහළ ගොස් ඇති බවයි.
එබැවින් ලැබුණු අවස්ථාව අනවශ්ය ආකාරයෙන් භාවිතා කර යළිත් කොවිඩ් රැල්ලක් ඇති කර නොගැනීම ජනතාවගේ වගකීම බව ඒ මහතා වැඩිදුරටත් සදහන් කරනවා.