අපරාධ පරික්ෂණ දෙපාර්තමේන්තුවේ ඇතැම් උසස් නිලධාරීන් තමන්ගෙන් රුපියල් කෝටි ගණනින් කප්පම් ලබාගෙන තම ධනය කොල්ලකෑ බවත් ඒ බව ඔප්පු කිරීමට තමන් සතුව ඔඩියෝ සහ වීඩියෝ සාක්කි ඇති බව පවසමින් ‘අවුරා ලංකා’ සමාගමේ සභාපති විරන්ජිත් තාඔුගල නමැත්තා අධිකරණයට දුන් රහස් ප්‍රකාශයේ පිටපත් අපරාධ පරික්ෂණ දෙපාර්තමේන්තුවට දෙන ලෙස අනුරාධපුර අතිරේක මහේස්ත්‍රාත් මනෝදි හේවාවසම් මහත්මිය අධිකරණ රෙජිස්ට්‍රාර්වරයාට අද (14) නියෝග කළා.
අපරාධ පරික්ෂණ දෙපාර්තමෙන්තුවේ නීති විරෝධි වත්කම් විමර්ශන කොට්ඨාශයේ ස්ථානාධිපති ප්‍රධාන පොලිස් පරික්ෂක සම්පත් රාජකරුණා මහතා මෝසමක් මගින් කළ ඉල්ලීමක් පිළිගනිමින් මහේස්ත්‍රාත්වරිය එලෙස නියෝග කර තිබුණා.
අපරාධ නඩු විධාන සංග්‍රහයේ 127 වැනි වගන්තිය යටතේ ප්‍රකාශයක් කිරීමට අවසර දෙන්නැයි ‘අවුරා ලංකා’ සමාගමේ සභාපති විරන්ජිත් තාඔුගල නමැත්තා මීට පෙර අවස්ථාවක කළ ඉල්ලීමකට අවසර දීම හේතුවෙන් නීතිඥ උපාලි ජයමාන්න මහතාගේ මෙහෙයවීම යටතේ ඔහු අතිරේක මහේස්ත්‍රාත් මනෝදි හේවාවසම් මහත්මිය හමුවේ ස්වේඡාවෙන් ප්‍රකාශයක් කළා.
නීති විරෝධි වත්කම් විමර්ශන කොට්ඨාශයේ ස්ථානාධිපති ප්‍රධාන පොලිස් පරික්ෂක සම්පත් රාජකරුණා මහතා ගොනු කළ මෝසමකට අනුව මෙම නඩුව කැඳවු අවස්ථාවේදී තාඹුගල නමැත්තා දුන් ප්‍රකාශයේ පිටපතක් තමන්ට නිකුත් කරන ලෙස ඉල්ලා සිටියා.
එම ඉල්ලීම පිළිගත් මහේස්ත්‍රාත්වරිය තාඹුගල නමැත්තා දුන් ප්‍රකාශයේ පිටපතක් අපරාධ පරික්ෂණ දෙපාර්තමෙන්තුවට නිකුත් කිරීමට නියම කළා.
