ඊයේ (04) දිනයේ ආන්දෝලනාත්මක ලෙස අවසන්වූ Mrs. Sri Lanka අවසන් වටයේ තරඟයේදී සිය කිරුළ අහිමිවූ පුෂ්පිකා ද සිල්වා මහත්මිය හට නැවත වරක් එම කිරුළ හෙට (06) දිනයේදී ලබාදීමට කටයුතු කරන බවට එම තරඟාවලියේ සංවිධායකයන් පවසනවා.
අවසන් වටයෙන් ඇය ජයග්‍රාහිකාව ලෙස තේරී පත්වී කිරුළ පැළදුවත් එම තරඟයේ තේරීම් කමිටු සාමාජිකාවක හා ලෝක විවාහක රූ රැජිණක් වන කැරොලයින් ජූරි මහත්මිය එම කිරුළ යළිත් පුෂ්පිකා මහත්මියගෙන් ඉවත්කර අනෙක් තරඟකාරිය හට පැළදවීමට කටයුතු කරනු ලැබුවා.
ඒ පුෂ්පිකා මහත්මිය දික්කසාද වී ඇති හෙයින් ඇය තරඟ නීති රීති කඩකිරීමක් සිදුකර ඇති බව පවසමින්.
කෙසේ වෙතත් එම කිරුළ ඇයගේ හිසින් බලහත්කාරයෙන් ගලවා දමන අවස්ථාවේදී පුෂ්පිකා මහත්මියගේ හිස් කබලට තුවාල සිදුව තිබෙනවා.
අදාළ තුවාල හේතුවෙන් ඇය මේ වන විට රෝහල් ගතවී ප්‍රතිකාර ලබමින් සිටිනවා.
එමෙන්ම තමන්ට ඇතිවූ අපහාසය හා ශාරීරික පීඩා පිළිබදව ඇය මේ වන විට පොලීසියට පැමිණිල්ලක්ද ඉදිරිපත් කර තිබෙනවා.
