කොළඹ කොටුවේදී අද (26) පැවැති ගුරු උද්ඝෝෂණයට ජල සහ කඳුළු ගෑස් ප්රහාර එල්ල කිරීමට විරෝධය දක්වා හෙට (27) දිනයේදීද ගුරු-විදුහල්පති සංගම් අසනීප නිවාඩු වාර්තා කරන බව ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා පවසනවා.
News19 කළ විමසුමකදී ඔහු සදහන් කළේ සාමකාමීව පැවැත්වූ ගුරු විරෝධතාවය මර්දනය කිරීම සඳහා ආණ්ඩුව ක්රියාකළ ආකාරය දැඩිව හෙළා දකින බවයි.
මේ සම්බන්ධයෙන් වන ඉදිරි ක්රියාමාර්ග හෙට දිනයේ දැනුම්දෙන බවත් ගුරුවරුන්ගේ හා විදුහල්පතිවරුන්ගේ ඉල්ලීම් දිනාගන්නා තෙක් මෙම වෘත්තීය ක්රියාමාර්ග අඛණ්ඩව ක්රියාත්මක කරන බවත් ජෝසප් ස්ටාර්ලින් මහතා සදහන් කළා.
කොළඹ කොටුව දුම්රිය ස්ථානය ඉදිරිපිටින් ආරම්භ කළ විරෝධතා පාගමන සදහා දැවැන්ත ගුරු හා විදුහල්පති සහභාගීත්වයක් තිබූ බව අප වාර්තාකරු සදහන් කළා.
එය විසුරුවා හැරීම සඳහා පොලීසිය ජල හා කඳුළු ගෑස් ප්රහාර එල්ල කළ අතර එහිදී මාධ්යවේදීන්ද ප්රහාරයට ලක්වුණා.
