27 C
Colombo
Sunday, June 26, 2022

රස්තියාදුවෙන්න එන්නේ නැහැ කියූ සිරිල් ගාමිණි පියතුමන් පොලිස් නියෝග මත අද යළි CID යට

- Advertisement -

රාජ්‍ය බුද්ධි සේවයේ අධ්‍යක්ෂවරයා සිදුකරන ලද පැමිණිල්ලකට අදාළව අපරාධ පරීක්ෂණ දෙපාර්තතමේන්තුව හමුවේ දින 02ක කාලයක් පැය 16ක කාලයක් ප්‍රකාශ ලබාදීමෙන් පසු තමන් යළි රස්තියාදුවීමට අපරාධ පරීක්ෂණ දෙපාර්තමේන්තුවට නොඑන බව පැවසු සිරිල් ගාමිණි පියතුමන්ව අද (22) යළි අපරාධ පරීක්ෂණ දෙපාර්තමේන්තුවට කැඳවා තිබෙනවා.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දුව මහතා පැවසුවේ අද පෙරවරු 9.30ට අපරාධ පරීක්ෂණ දෙපාර්තමේන්තුවට පැමිණෙන ලෙස සිරිල් ගාමිණි පියතුමන්ට දැනුම්දුන් බවයි.

පාස්කු ඉරුදින ත්‍රස්ත ප්‍රහාරය එල්ල කළ ත්‍රස්තවාදින්ට එවකට බ්‍රිගේඩියර්වරයෙකුව සිටි වත්මන් රාජ්‍ය බුද්ධි සේවයේ අධ්‍යක්ෂකවරයා සහ මෙරට බුද්ධි අංශ අනුග්‍රාහය සපයා ඇති බවට සිරිල් ගාමිණි පියතුමන් ප්‍රකාශයක් සිදුකළේ ඉකුත් නොවැම්බර් මස 23 වනදා පැවති සූම් තාක්ෂණික සම්මන්ත්‍රණයකදීයි.

පසුව එම ප්‍රකාශයට එරෙහිව රාජ්‍ය බුද්ධි සේවයේ වත්මන් අධ්‍යක්ෂ මේජර් ජනරාල් සුරේෂ් සලේ අපරාධ පරීක්ෂණ දෙපාර්තමේන්තුව හමුවේ පැමිණිල්ලක් ගොනුකළා.

කෙසේ වෙතත් මුල් අවස්ථාවේ අපරාධ පරීක්ෂණ දෙපාර්තමේන්තුවට පැමිණිම ප්‍රතික්ෂේප කළ සිරිල් ගාමිණි පියතුමන් තමන් අත්අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකළ අතර එය සලකා බැලු ශ්‍රේෂ්ඨාධිකරණය නිශ්චිතව සඳහන් කරන වේලාවකදී අපරාධ පරීක්ෂණ දෙපාර්තමේන්තුවට ගොස් ප්‍රකාශයක් ලබාදෙන ලෙස නියෝග කළා.

ඒ අනුව ඉකුත් 15 වනදා සහ 16 වනදා සිරිල් ගාමිණි පියතුමන්ගෙන් අපරාධ පරීක්ෂණ දෙපාර්තමේන්තුව පැය 08 බැගින් පැය 16ක කාලයක් ප්‍රකාශ ලබාගත්තා.

කෙසේ වෙතත් 16 වනදා ප්‍රකාශ ලබාදීම අවසානයේ සිරිල් ගාමිණි පියතුමන් සඳහන් කළේ පාස්කු ප්‍රහාරයට චෝදනා ලැබුවන්, වින්ධිතයෙක් වන තමන් මෙන් රස්තියාදු නොවන පරිසරයක තමන්ට අපරාධ පරීක්ෂණ දෙපාර්තමේන්තුව තෙවන දිනටත් කැඳවිමක් සිදුකළද තමන් එය ප්‍රතික්ෂේප කළ බවයි.

කෙසේ වෙතත් පොලිස් කැදවීමට අනුව සිරිල් ගාමිණි පියතුමන් අද පෙ.ව 9.30ට අපරාධ පරීක්ෂණ දෙපාර්තමේන්තුව හමුවේ සිටියා.

එම අවස්ථාවේ කොළඹ පදවියේ කතෝලික රදගුරුතුමන්ලා, පියතුමන්ලා සහ පැවිදි සොහොයුරියන්ද සිරිල් ගාමිණී පියතුමන් හට සහය දැක්වීම සඳහා අපරාධ පරික්ෂණ දෙපාර්තමේන්තුව ඉදිරියට රැස්වුණා.

RECENT ARTICLES - SINHALA

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

වඳුරු උණ: ලෝකය බියපත් කළ අලුත් වසංගතය..!

රටවල් 58කින් තහවුරු වූ වඳුරු උණ රෝගීන් 3,417 ක් වාර්තා වීමත් සමඟ, ලෝක සෞඛ්‍ය ජාලය (WHN) වඳුරු ෞණ තත්වය වසංගතයක් ලෙස ප්‍රකාශයට...

ඉන්දියාවෙන් මෙරටට බිලියන 3ක තවත් මානුෂීය ආධාර තොගයක්..!

ඉන්දීය ජනතාවගෙන් ශ්‍රී ලාංකික ජනතාව වෙත ලැබුණු ආධාර තොගයක් ඉන්දීය මහ කොමසාරිස්වරයා, අමාත්‍ය කෙහෙළිය රඹුක්වැල්ල මහතා, පාර්ලිමේන්තු මන්ත්‍රීවරුන් සහ නිලධාරින් විසින් ඊයේ...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...