සෞඛ්‍ය සේවා අධ්‍යක්ෂ ජනරාල්වරයා විසින් නව සෞඛ්‍ය මාර්ගෝපදේශ මාලාවක් නිකුත් කර තිබෙනවා.
ඒ අනුව ආගමික ස්ථානයන්හී තනි තනි පුද්ගලයන් හටද තම ආගමික කටයුතු සිදුකරගැනීමට නව සෞඛ්‍ය මාර්ගෝපදේශ මගින් අවස්ථාව ලබාදී තිබෙනවා.
එමෙන්ම විශේෂ ආගමික උත්සව, ආගමික ඇදහීම් පැවැත්වීමටද අවස්ථාව හිමිවන අතර ඒවා සෞඛ්‍ය මාර්ගෝපදේශයන්ට අනුව සිදුකල යුතු බවයි නිවේදනයේ සදහන් වන්නේ.
උපකාරක පන්ති පැවැත්වීම අපොස සාමාන්‍ය පෙළ සිසුන්ට හා උසස් පෙළ සිසුන්ට පමණක් සීමා කර ඇති අතර පන්තියේ සිසුන් සිටිය හැකි ධාරිතාවයෙන් 50% ක ප්‍රමාණයක් පමණක් සහභාගි කරගැනීමට අවසර ලබාදී තිබෙනවා.
විවාහ උත්සව සදහා උත්සව ශාලාවේ ධාරිතාවයෙන් 1/3 ක ප්‍රමාණයක් සහභාගී කර ගත හැකි වුවද එම ප්‍රමාණය පුද්ගලයින් 100 නොඉක්මවිය යුතු බව සදහන්.
කෙසේ වෙතත් තවදුරටත් විවාහ උත්සවවල මත්පැන් පානය කිරීමට අවසර ලබාදී නැහැ.
