ෂින්ජියැන්ග්, හොංකොං සහ ටිබෙටය ඇතුළු ප්‍රදේශවල චීනය විසින් දිගින් දිගටම සිදු කරන මානව හිමිකම් උල්ලංඝනය කිරීම සම්බන්ධයෙන් කණස්සල්ල පළ කරමින් මානව අයිතිවාසිකම් සංවිධාන ගණනාවක් ඉදිරියේ දී පැවැත්වීම නියමිත යුරෝපා සංගම් (EU)-චීන සමුළුවට පෙර යුරෝපා සංගමයේ නායකයින් වෙත ඒකාබද්ධ ලිපියක් යැවීමට කටයුතු කර තිබේ.
යුක්‍රේන අර්බුදය සහ ඒ පිළිබඳ චීන රජයේ ස්ථාවරය පිළිබඳ ප්‍රධාන ලෙස සාකච්ඡා කිරීමට නියමිත මෙම සමුළුවේ දී චීනයේ දේශසීමා තුළ සිදුවන මානව හිමිකම්වලට එරෙහි චීන බලධාරීන්ගේ ක්‍රියාකාරකම් ගැන සාකච්ඡා කිරීමට ද ප්‍රමාණවත් කාලයක් කැප කරන ලෙස එමඟින් ඉල්ලීමක් කර ඇත.
මෙම ලිපිය ක්‍රිස්තියානි සහයෝගිතාව (CSW), හියුමන් රයිට්ස් වොච්, ටිබෙටය සඳහා වූ ජාත්‍යන්තර ව්‍යාපාරය (ICT), මානව හිමිකම් සඳහා වූ ජාත්‍යන්තර සම්මේලනය ඇතුළු සංවිධාන ගණනාවක් එක්ව යොමු කර තිබේ.
පසුගිය කාලසීමාවේ දී මෙම අයිතිවාසිකම් කණ්ඩායම් විසින් ෂින්ජියෑක්හි උයිගුර් සහ අනෙකුත් සුලුතර ප්‍රජාවන් ඉලක්ක කර ගනිමින් චීන බලධාරීන් දුණු මානව හිමිකම් කඩකිරීම් සිදු කරන බවට තොරතුරු රැසක් අනාවරණය කරන ලදී.
බීජිං හි ක්‍රියාවන් ටිබෙට් ජාතිකයන්ගේ සංස්කෘතික, භාෂාමය සහ ආගමික අයිතීන් උල්ලංඝනය කරන අතර ඒ හා සමානව හොංකොං හි සිවිල් සමාජයට සහ ප්‍රජාතන්ත්‍රවාදී අයිතීන්ට තර්ජනයක් වී ඇති බව ද එම කණ්ඩායම් පවසයි.
