එක්සත් ජනපදයේ RM Parks සමාගම ලබන මස සිට ශ්‍රී ලංකාවේ ඉන්ධන බෙදාහැරීම ආරම්භ කරන බව විදුලිබල හා බලශක්ති අමාත්‍යාංශය පවසනවා.
RM Parks සමාගම යනු ලෝ ප්‍රකට Shell PLC සමූහය යටතේ ක්‍රියාත්මක වන සමාගමක් වන අතර එය ශ්‍රී ලංකාවේ ඉන්ධන බෙදා හරිනු ලබන සිව්වන සමාගම බවට පත්වන අතර මෙම සමාගම තෙල් සංස්ථාවට අයත් ඉන්ධන පිරවුම්හල් 150ක් තුලින් ඉන්ධන බෙදා හැරීම ආරම්භ කිරීමට නියමිතයි.
පසුව ඔවුන් විසින් ඉන්ධන හල් 50ක් විවෘත කිරීමට නියමිත බව සඳහන්.
ඒ අනුව RM Parks සමාගම සෑම දිස්ත්‍රික්කයකම අවම වශයෙන් එක් ඉන්ධන පිරවුම්හලක් සහ නාගරික ප්‍රදේශයන්හී බහුවිධ බෙදාහැරීමේ ස්ථාන ඉදිකරනු ලබන අතර RM Parks සමාගම සිය ඉන්ධන වට්ටම් මිලකට පාරිභෝගිකයාට අලෙවි කිරීමට අපේක්ෂිතයි.
ලංකා ඛනිජ තෙල් නීතිගත සංස්ථාව සමඟ RM Parks සමාගම ඛනිජ තෙල් නිෂ්පාදන ආනයනය කිරීම, බෙදා හැරීම සහ විකිණීම සඳහා පසුගිය ජුනි මාසයේදී වසර 20ක ගිවිසුමක් අත්සන් කළා.
