ජනාධිපති කාර්ය මණ්ඩල ප්‍රධානි ලෙස පත්කෙරුණු සාගල රත්නායක අද (28) පෙරවරුවේ ජනාධිපති කාර්යාලයේ දී සිය ධුරයේ රාජකාරි ආරම්භ කර තිබෙනවා.
ජනාධිපති රනිල් වික්‍රමසිංහ මහතාගේ සමීපතම හිතවතෙකු වන හිටපු අමාත්‍ය සාගල රත්නායක ජනාධිපති උපදේශකවරයෙකු ද වනවා.
ඔහු සිය ධුරයේ රාජකාරි ආරම්භ කළ අවස්ථාවට එක්සත් ජාතික පක්ෂයේ සභාපති, පාර්ලිමේන්තු මන්ත්‍රී වජිර අබේවර්ධන, නියෝජ්‍ය නායක රුවන් විජේවර්ධන, මහලේකම් පාලිත රංගේබණ්ඩාර, හිටපු අමාත්‍ය නිමල් සිරිපාල ද සිල්වා, පාර්ලිමේන්තු මන්ත්‍රී නිමල් ලාන්සා යන අය හා ජනාධිපති ලේකම් සමන් ඒකනායක ඇතුළු ජනාධිපති කාර්යාලයේ ජ්‍යෙෂ්ඨ නිලධාරීන් සහභාගී වී සිටියා.
