සාගර කාරියවසම්ට හැමදාමත් පොහොට්ටුවේ සහ තමන්ගේ ලෙටර් හෙඩ් මාරු වන අතර ඔහුට මන්ත්රීවරුන්ට බලපෑම් කිරීමේ හැකියාවක් නැති බව පාර්ලිමේන්තු මන්ත්රී ප්රේම්නාත් සී දොළවත්ත පවසනවා.
ඒ, ඊයේ (16) පාර්ලිමේන්තු රැස්වීම අවසානයේ මාධ්ය වෙත අදහස් දක්වමින්.
මෙතෙක් කිසිම ආකාරයකින් රනිල් වික්රමසිංහ මහතාට සහය දෙන බවට තීරණයක් ගෙන නොමැති බවයි මන්ත්රීවරයා සඳහන් කරන්නේ.
මේ මොහොතේ තීරණ ගන්නේ රට වෙනුවෙන් මිස පාට පක්ෂ පිළිබඳව නොවන බව හෙතෙම පවසනවා.
මේ අතර, ශ්රී ලංකා පොදුජන පෙරමුණේ මහලේකම් සාගර කාරියවසම් වෙත ලිපියක් යොමුකරමින් එම පක්ෂයේ සභාපති මහාචාර්ය ජී.එල්.පීරිස් විසින් විමසා ඇත්තේ පක්ෂ ව්යවස්ථාවේ විධිවිධාන අනුව අදාළ තීරණය ගෙන ඇත්තේ කුමන පදනමක් මත ද යන්නයි.
මීට අමතරව එම තීරණය ගනු ලැබුවේ කුමන අධිකාරිය යටතේ ද සහ එම තීරණය ගැනීමට සහභාගි වූ බව කියන පුද්ගලයින්ගේ නම් හා ඔවුන් තෝරා ගැනීමේ පදනම කවරේදැයි යනුවෙන් ද පක්ෂ සභාපතිවරයා ප්රශ්න කර තිබෙනවා.