මෙවර ජනාධිපතිවරණයට ඉදිරිපත් වී සිටින සමගි ජනබලවේගය පක්ෂයේ ජනාධිපති අපේක්ෂක සජිත් ප්‍රේමදාස මහතා සහභාගී වූ දේශපාලන සාකච්ඡාවක් ඔහුගේ ජයග්‍රහණය වෙනුවෙන් ඇපකැපවී සිටින පෞද්ගලික රූපවාහිනී නාලිකාවක් ඊයේ දිනයේ පටිගත කර තිබෙනවා.
එම වැඩසටහන අද දිනයේ සජීවී වැඩසටහනක් ලෙස අදාළ නාලිකාව විකාශය කිරීමට සූදානමින් සිටින බවට තොරතුරු වාර්තා වනවා.
අදාළ ආයතනයේ තාක්ෂණික අංශයේ පිරිස් පවසන්නේ අවස්ථා කිහිපයකදීම මෙම වැඩසටහන බාධාවන් රැසක් මධ්‍යයේ පටිගත කළ බවයි.
ඒ අනුව සජිත් ප්‍රේමදාස මහතා හට යම් යම් දේශපාලන කරුණු සම්බන්ධයෙන් වැරදීම් සිදුවන අවස්ථාවන්හීදී මෙන්ම නිවේදකයින් ප්‍රශ්න ඇසීමෙන් ඔහුව හිරවූ අවස්ථාවන්වලදී එම කොටස් යළිත් මුල සිට පටිගත කර තිබෙනවා.
සජිත් ප්‍රේමදාස මහතා කිසිදු සජීවී දේශපාලන සංවාදයකට හෝ විවාදයකට කිසිදු දිනයක සහභාගි වී නොමැති අතර විවාදවලට තමන් බිය නැතැයි වේදිකාවල නිතර කියමින් යෑම අනෙක් පක්ෂවල නිරන්තර දැඩි විවේචනයට ලක්වන හේතුවක් වනවා.
අදාළ නාළිකාවද ප්‍රේමදාස මහතාට ප්‍රසිද්ධියේ පක්ෂග්‍රාහීව කටයුතු කිරීම නිසාවෙන් අවස්ථා කිහිපයකදී මැතිවරණ කොමිසමේ අවවාද කිරීම්වලට පමණක් ලක්වුවද ඔවුන් කොමිසමේ අවවාද තුට්ටුවකට මායිම් නොකර තමන්ගේ දේශපාලන න්‍යාය පත්‍රය එලෙසින්ම ක්‍රියාත්මක කරගෙන යෑම විශේෂත්වයක්.
