සිය මන්ත්රීවරුන්ට පාර්ලිමේන්තුව තුළ නිසි ආරක්ෂාවක් නොමැති බවට චෝදනා කරමින් සමඟි ජන බලවේගයේ මන්ත්රීවරුන් විසින් පාර්ලිමේන්තුවට පැමිණීම වර්ජනය කර තිබූ නමුත් අද (08) දින සිට යළිත් පාර්ලිමේන්තු සභාව වෙත යාමට ඔවුන් තීරණය කර තිබෙනවා.
ඒ, ඊයේ (07) දිනයේදී කථානායකවරයා සමඟ පැවති සාකච්ජාවේ ප්රතිඵලයක් ලෙසටයි.
මනූෂ නානයක්කාර මන්ත්රීවරයාට අදාල සිදුවීමක් පසුබිම් කොටගෙන සමඟි ජන බලවේගය විසින් පාර්ලිමේන්තු සභාව වර්ජනය කොට විකල්ප පාර්ලිමේන්තුවක් පැවැත්වූ අතර පාර්ලිමේන්තුව ඉදිරිපිට විරෝධතා දැක්වීමද සිදු කර සිටියා.
සිය මන්ත්රීවරුන්ට ආරක්ෂාවක් නැති අතර ,ආණ්ඩුවට අභියෝග කිරීම හේතුවෙන් ඔවුන් කරා මර්දනය පැමිණෙමින් තිබෙන අතර භාෂණයේ නිදහසක් ද නැති බවටයි සමඟිය මේ සම්බන්ධයෙන් ආණ්ඩුවට චෝදනා කර සිටියේ.
කෙසේ වෙතත් අද දින පාර්ලිමේන්තුව අමතමින් සමගි ජනබලවේගයේ මන්ත්රීවරුන් පවසා සිටියේ මෙවන් දෑ යලි සිදු නොවීමට වග බලාගත යුතු බවයි.
ඊට පිළිතුරු දෙමින් කතානායකවරයා පවසා සිටියේ මේ සම්බන්ධව විමර්ශනය කිරීමට පත්කළ කමිටු වාර්තාව අනුව කටයුතු කිරීමට බලාපොරොත්තු වන බවයි.