“මේ සාපය දැන් ඇති“ යන තේමාව යටතේ සිදුවන ‘ජන බලය කොළඹට’ විරෝධතාවය අද (16) කොළඹ දී පැවැත්වෙනවා.
එම විරෝධතාවයට එරෙහිව පොලීස් ස්ථාන ගණනාවකින් කළ ඉල්ලීම්වලට අධිකරණයේ අවසරය හිමිවූ‍යේ නෑ.
ජනතා විරෝධතාවය ප්‍රජාතන්ත්‍රවාදී අයිතියක් බවත් සෞඛ්‍ය රෙගුලාසි කඩ කිරීම් එහිදී සිදුවන්නේ නම් පමණක් ඒ සඳහා ක්‍රියාමාර්ග ගන්නා ලෙසට අධිකරණය නියෝග කර සිටියා.
දරිද්‍රතාවයට, ජනතාව මුහුණුපාන අනෙකුත් ගැටලුවලට සහ ආණ්ඩුවේ දුෂණයට එරෙහිව මෙම ජන උද්ඝෝෂණය සංවිධානය කර ඇති බවයි සමගි ජනබලවේගයේ පාර්ලිමේන්තු මන්ත්‍රී කාවින්ද ජයවර්ධන මහතා සඳහන් කළේ.
මේ අතර, සමගි ජන බලවේගයේ විරෝධතාවය හේතුවෙන් විපක්ෂ නායක කාර්යාලය අසල සිට නෙළුම් පොකුණ දක්වා වු සර් මාර්කස් ප්‍රනාන්දු මාවත මුළුමනින් ම අවහිර වී ඇති අතර කොළඹ ගාලුපාර කොල්ලුපිටිය මංසන්ධියෙන් ද අවහිර වී තිබේ.
