යහපාලන ආණ්ඩුව බැඳුම්කර මගඩියෙන් සිදුකළ වංචාව දෙවැනි තැනට ඇද දමමින් හොරකම්වලින්, වංචාවලින් පළමු තැනට පැමිණීමට සෞභාග්‍යයේ දැක්ම ආණ්ඩුව සමත් වී ඇති බව ජවිපෙ හිටපු පාර්ලිමේන්තු මන්ත්‍රී සමන්ත විද්‍යාරත්න මහතා පවසනවා.
යහපාලන කොම්පැනිය බැඳුම්කර බිස්නස් එක හරහා රුපියල් බිලියන 11 ක් ලාභ ලබන විට සෞභාග්‍යයේ දැක්ම කොම්පැනිය බිලියන 15 ඉක්මවන ලාභයක් ලබා ඇති බවයි විද්‍යාරත්න මහතා පෙන්වා දෙන්නේ.
පසුගිය ආණ්ඩුවේ හොරකම්, වංචා සිදුකළ පුද්ගලයන්ට දඬුවම් ලබාදෙන බව පවසමින් බලයට පත් වත්මන් ආණ්ඩුවද ඊට වඩා නොදෙවෙනි ආකාරයේ හොර කණ්ඩායමක් බව ජවිපෙ දැනසිට බවත් එය අද වනවිට ඔප්පු වී ඇති බවත් සමන්ත විද්‍යාරත්න මහතා පවසනවා. මෙම කණ්ඩායම් දෙකම උත්පත්තියෙන්ම හොරකම, වංචාව, දූෂණය උරුම කරගෙන පැමිණි පුද්ගලයන් බවයි ඔහු වැඩිදුරටත් පවසන්නේ.
