27 C
Colombo
Wednesday, October 5, 2022

‘සුරකිමු ගංඟා “ජාතික ව්‍යාපෘතිය තුළින් ශ්‍රී ලංකාවේ පරිසරය සුරැකීමට සමපෝෂ අත්වැල් බැඳ ගනියි

- Advertisement -

ශ්‍රී ලාංකේය පාරසරික වටිනාකම් මතු පරපුර වෙනුවෙන් සුරැකිම වෙනුවෙන් අඛණ්ඩව කැපවී කටයුතු කරන CBL සමපෝෂ අනුග්‍රහයෙන් පරිසර අමාත්‍යංශය සහ පරිසර අධිකාරිය පසුගියදා නව පියවරක් තබන ලදී. මිනිස් ක්‍රියාකාරකම් හේතුවෙන් විනාශ වී යන පරිසර හානි අවම කර ගැනිමට නිර්මාණය කරන ලද  “සුරැකිමු ගංඟා“ ව්‍යාපෘතියේ ආරම්භක පියවරක් වශයෙන් මෙහිදි නව පරිසර හිතකාමී දිරාපත් වන බෑගයක් හඳුන්වා දුන්නේය. මැණික් ගං ඉවුර අසල රුහුණු කතරගම ඓතිහාසික පුදබිමේදී අතිගරු ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් මෙම ව්‍යාපෘතිය උත්සවාකාරයෙන් හඳුන්වා දීම සිදු කෙරිණි.

මහජනයා නිතර ගැවසෙන දිවයින පුරා පිහිටි පූජනීය ස්ථාන තුළ දිරාපත් නොවන පොලිතින් සහ ප්ලාස්ටික් බෑග් භාවිතය ඵලදායී ලෙස අවම කිරිම මෙහි අරමුණයි. ඒ අනුව මෙම පරිසර හිතකාමී බෑගය පළමුව පූජනීය ස්ථාන වෙත පරිත්‍යාග කිරිමට ද නියමිතයි.

පසුගියදා බොරලැස්ගමුව පූජනීය පිල්ලෑව බෝධිරාජ මහා විහාරයේදි පරිසර අමාත්‍ය මහින්ද අමරවීර මහතාගේ ප්‍රධානත්වයෙන් මෙම සමපෝෂ පරිසර හිතකාමී බෑගය උත්සවාකාරයෙන් ජනගත කළේය. ඒ අනුව ගරු මහින්ද අමරවීර අමාත්‍යවරයාට මෙම පරිසර හිතකාමී බෑගය, CBL සමූහ අධ්‍යක්ෂකා නිශ්කා වික්‍රමසිංහ මහත්මිය, CBL සමූහ ව්‍යාපරයේ ප්‍රධාන විධායක නිළධාරි තිලංක ද සොයිසා මහතා සහ CBL සමූහ ව්‍යාපාරයේ අලෙවි සාමාන්‍යාධිකාරී ජයංග පෙරේරා මහතා විසින් පිරි නමන ලදි.

මෙම උත්සව අවස්ථාවේදි අදහස් දක්වමින් ගරු පරිසර අමාත්‍ය මහින්ද අමරවීර මහතා පවසා සිටියේ කතරගම ඓතිහාසික පුදබිමේ පමණක් වාර්ෂිකව ටොන් 50ක් පමණ දිරාපත් නොවන පොලිතින් සහ ප්ලාස්ටික් අපද්‍රව්‍ය එක්වන බවයි. පුජාභූමි අවට වෙළඳසල් නිසා මෙසේ පොලිතින් ජනතාව අතරට වැඩි වැඩියෙන් එක්වන බවද හෙතෙම අවධාරණය කළේය. දිරාපත් නොවන පොලිතින් බෑග් භාවිතය සීමා කිරිම සහ නියාමනය කිරිම සඳහා ක්‍රියාත්මක වන රජයේ නිතීන් සමඟ මෙම පරිසර හිතකාමී බෑගය මනා ආදේශකයක් බවද අමාත්‍යවරයා පැවසීය.

පරිසර හිතකාමී, ජනතාවාදී ව්‍යාපාර ප්‍රවේශයන් තුළින් ශ්‍රී ලංකාවේ දිගුකාලීන හරිත දැක්ම කෙරෙහි ඇති කළ හැකි බලපෑම පිළිබඳ අදහස් දක්වමින්, CBL සමූහයේ අලෙවි සාමාන්‍යාධිකාරී – ජයංග පෙරේරා මහතා පවසා සිටියේ, “ ශ්‍රී ලාංකේය මතු පරපුර, මනා පෝෂණයෙන් සහ යහපත් සාරධර්මයන්ගෙන් පරිපූර්ණ කරන අතරම, මතු පරපුර වෙනුවෙන් පරිසරය සුරැකීමේ කර්තව්‍යයට සමපෝෂ කැපවී සිටින බවයි. යහපත් සාරධර්ම ගොඩනැගීමේදී පරිසරය සුරැකීම ප්‍රධාන අංගයක් බවට පත්වන හෙයින්, ලෝකය සහ තමන්ගේ දේශය වෙනුවෙන් යුතුකම්, වගකීම් ඉටු කිරිමින්, මානව චින්තනය වෙනස් කිරිමේ මෙම කාර්‍යයේදී දරුවන් හට සුවිශාල මෙහෙවරක් පැවරේයැයි තමන් විශ්වාස බවත් හෙතෙම වැඩිදුරටත් පැවසීය. . එබැවින් පරිසරය සුරැකීම වෙනුවෙන් දිරාපත් නොවන ප්ලාස්ටික් භාවිතය අවම කිරිමේ කාර්යයේදි ලොකු කුඩා සෑම පියවරක්ම සුවිශාල වගකීමක් ඉටූ කර​තැයි “ CBL සමූහයේ අලෙවි සාමාන්‍යාධිකාරී – ජයංග පෙරේරා මහතා වැඩිදුරටත් අදහස් දක්වමින් පවසා සිටියේය.

CBL සමූහ ව්‍යාපරයේ ප්‍රමුඛතම වෙළඳ නාමයක් වන සමපෝෂ ලාංකේය තිරසාර ව්‍යාපාරික අවස්ථාවන් සඳහා ප්‍රධානව සහය දෙන වෙළඳ සන්නාමයකි. එම දායකත්වයේ ප්‍රතිඵලයක් ලෙස මෙම සමූහය 2020 වර්ෂය සඳහා ශ්‍රී ලංකාවේ හොඳම ආයතනික පුරවැසියා ලෙස ද නම් කෙරිණි.

RECENT ARTICLES - SINHALA

නාමල් රාජපක්ෂටත් මන්දපෝෂණය..! – විමලවීර දිසානායක

මන්දපෝෂනය සම්බන්ධව ඇතැමුන් ගොඩ නගන තර්කය නිවැරදි නම් නාමල් රාජපක්ෂට මෙන්ම තමාට ද මන්දපෝෂණය තිබිය යුතු බව දිගාමඩුල්ල දිස්ත්‍රික් ශ්‍රී ලංකා පොදුජන...

බුද්ධිමතුන්ව කපලා; මාවත් කපලා..! – දයාසිරි

කෝප් සහ කෝපා කමිටු වල සිටි බුද්ධිමතුන් පිරිස මෙවර ඉවත්කර ඇති බවත් තමාවත් ඉවත් කර ඇති බවටත් ශ්‍රී ලංකා පොදුජන පෙරමුණේ කුරුණෑගල...

සිංගප්පූරුවෙදි අර්ජුන මහේන්ද්‍රන් එක්ක දවල්ට කෑවෙ නෑ..! – රනිල්

ජපානයට යන අතරතුර සිංගප්පූරුවේ දී කුප්‍රකට අර්ජුන මහේන්ද්‍රන් සමඟ තමා දිවා ආහාරය ගත් බවට පැතිර යන කට කතාව අමූලික බොරුවක් බව ජනාධිපති...

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...