සී/ස ආරච්චිකට්ටුව විවිධසේවා සමූපකාර සමිතිය සඳහා ඊයේ (17) ඡන්ද විමසීම පවත්වා තිබෙනවා.
එම සමූපකාර සමිතියට අයත් අංක 01 දරන ආරච්චිකට්ටුව ප්රාදේශිකයේ සභික අපේක්ෂකයෙක් ලෙස ඉදිරිපත්ව සිටි වාරිමාර්ග රාජ්ය අමාත්ය කේ. සනත් නිශාන්ත පෙරේරා මහතා පරාජයට පත්ව ඇති බවයි වාර්තා වන්නේ.
අංක 01 දරණ ප්රදේශිකයේ සභිකයින් 9 කින් 6 ක් දිනාගෙන එම ප්රාදේශිකයේ ඡන්දය ජයග්රහණය කර ඇත්තේ ජාතික ජන බලවේගය කණ්ඩායමයි.
සනත් නිශාන්ත රාජ්ය අමාත්යවරයා සහ ඔහුගේ සොහොයුරා අපේක්ෂකත්වය දැරූ පොහොට්ටුවේ කණ්ඩායමට එම ප්රදේශිකයෙන් හිමිව ඇත්තේ සභික ධුර 3ක් පමණයි.
එහෙත් ඒ තුන්දෙනා අතරටවත් පැමිණීමට සනත් නිශාන්ත රාජ්ය අමාත්යවරයාට හැකිවී නැහැ.
අංක 01 දරන ආරච්චිකට්ටුව ප්රාදේශිකයෙන් ඡන්දයට ඉදිරිපත්වූ පොහොට්ටුවේ අපේක්ෂකයන් 19 දෙනා අතරින් රාජ්ය අමාත්ය සනත් නිශාන්තට හිමිව ඇත්තේ 11වන ස්ථානය යි.
ඔහුගේ සොහොයුරු කේ. ජගත් සමන්ත පෙරේරා 5 වන ස්ථානය හිමිකරගෙන තිබෙනවා.
කෙසේවෙතත් සමස්ත ප්රතිඵල අනුව සභික ධුර 98ක් හිමි සී/ස ආරච්චිකට්ටුව විවිධසේවා සමූපකාර සමිතියේ සභික ධුර 46 ක් දිනාගනිමින් ශ්රී ලංකා පොදුජන පෙරමුණේ කණ්ඩායම ජයග්රහණය කළා.
එම ඡන්දයට පළමු වරට ඉදිරිපත් වූ ජාතික ජන බලවේගය කණ්ඩායමද ආසන 37ක් දිනා ගැනීමට සමත් වුණා.
නමුත් සනත් නිශාන්ත මහතාට හා ඔහුගේ සොහොයුරාට සමූපකාර ඡන්දයෙන් කිසිදු ස්ථානයක් හිමිව නැහැ.