අල්ලාහ් දෙවියන්ට පසුව අදහන එකම දෙවියන් තමන් යැයි යැයි අම්පාර ජනතාව පවසන බව මහජන ආරක්ෂක අමාත්ය සරත් වීරසේකර මහතා පවසනවා.
ඒ, ඊයේ (30) දින සියත ගුවන් විදුලි නාලිකාවේ උදෑසන වැඩසටහනට සහභාගී වෙමින්.
තමා මුස්ලිම් ජනතාව අන්තවාදී යැයි නොපවසන නමුත් අන්තවාදී මුස්ලිම් කණ්ඩායම් සම්බන්ධයෙන් විපරමින් සිටිය යුතු බවයි ඔහු පවසන්නේ.
“ඉස්ලාම් රාජ්ය කියන මතවාදය තියෙන කල් ඔවුන්ට ඕනෑම මොහොතක ප්රහාරයක් එල්ල කරන්න පුලුවන්. අනික අයි.එස්. මතවාදීන්ගේ භයානකකම තමයි ඔවුන් හිතනවා ඉස්ලාම් නොවන කෙනෙක් මැරුවම ඔවුන්ට දිව්ය ලෝකෙ ගිහින් කන්යාවො සමඟ ඉන්න පුළුවන් කියලා.”
කෙසේ නමුත් සිංහල හෝ දෙමළ පිරිස් සතුව එවැනි මතවාදයන් නොතිබිය හැකිබවත් ඊට හේතුව වන්නේ සිංහල ජනතාවගේ හෝ දෙමළ ජනතාවගේ ආගමික සංස්කෘතිය බවත් ඔහු පවසනවා.
ඒත් එය මුස්ලිම් තරුණයෙක්ට කළ හැකි නිසා සුපරීක්ෂා විය යුතු බවයි ඔහු පෙන්වා දෙන්නේ.
කෙසේ නමුත්, සියලුම මුස්ලිම්වරුන් අන්තවාදී යැයි තමා කිසිලෙසකවත් නොපවසන බව ඔහු නැවතත් අවධාරණය කර සිටිනවා.