පාස්කු විමර්ශන සම්බන්දයෙන් ඇතිව තිබෙන ප්‍රමාදයන් පිළිබදව සාකච්ඡා කිරීම සදහා මහජන ආරක්ෂක අමාත්‍ය සරත් වීරසේකර මහතා අද නීතිපති දප්පුල ද ලිවේරා මහතා හමුවුණා.
මෙහිදී පාස්කු දින එල්ලවූ බෝම්බ ප්‍රහාර 8 ක් පිළිබදව ආරක්ෂක අංශ මගින් සිදුකර ඇති විමර්ශන පිළිබදව නීතිපති දෙපාර්තමේන්තුවට භාරදී ඇති ලිපිගොනු පිළිබදව මෙහිදී සාකච්ඡා කර තිබෙනවා.
මෙම අවස්ථාවට ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න මහතා සහ නියෝජ්‍ය පොලිස්පති අජිත් රෝහණ මහතාද සහභාගී වුණා.
මෙහිදී මාධ්‍ය වෙත අදහස් දක්වමින් මහජන ආරක්ෂක අමාත්‍ය සරත් වීරසේකර මහතා පැවසුවේ පාස්කු ප්‍රහාර තවදුරටත් ප්‍රමාදවීම පිළිබදව කාදිනල් හිමියන්ට සහ ජනතාවට කුකුසක් ඇතිව ඇති බවයි.
ඊට අදාල දර්ශන පහතින්,
පාස්කු විමර්ශන සම්බන්දයෙන් තමන් ඇතුළු කතෝලික ජනතාව කිසිදු ලෙසකින් සෑහීමකට පත් නොවන බවට අගරදගුරු මැල්කම් කාදිනල් රංජිත් හිමිපානන් පසුගියදා ප්‍රකාශ කළා.
ඒ සම්බන්දයෙන් රජය නිසිපරිදි ක්‍රියානොකරන්නේ නම් එහි වගකීම වෙනත් පාර්ශවයකට ලබාදෙන බවටද උන්වහන්සේ එහිදී සදහන් කළා.
ඊට අදාල දර්ශන පහතින්,
