සුපිරි පාපන්දු තරුවක් වන ලයනල් මෙසී සමග තවත් පාපන්දු තරු පිරිවරාගත් ප්‍රබල ආජන්ටිනා කණ්ඩායමට අනපේක්ෂිත, පරාජයක් අත්කර දෙමින් ඓතිහාසික පෙරළියක් සිදු කරන්නට සවුදි අරාබියානු පාපන්දු කණ්ඩායම සමත් වුණා.
මුළු තරගය පුරා ම සමස්ත ආධිපත්‍යය රඳවා ගන්නට ආජන්ටිනා කණ්ඩායම සමත් වී තිබුණද එම පාලනය ගෝල බවට පරිවර්තනය කර ගන්නට ඔවුන්ට හැකියාවක් ලැබුණේ නැහැ.
ආජන්ටිනා කණ්ඩායම ගෝලය වෙත ප්‍රහාර 15 ක් එල්ල කරද්දී සෞදි අරාබියානු කණ්ඩායම ගෝලය වෙත ප්‍රහාර එල්ල කර තිබුණේ 3 ක් පමණයි.
එම ප්‍රහාර අතරින් ආජන්ටිනා කණ්ඩායම නියමිත ඉලක්කයට ගෝල ප්‍රහාර 6 ක් එල්ල කළද සෞදි අරාබියානු දැල රකින්නාගේ දක්ෂතා හේතුවෙන් ඒවා සාර්ථක කරගන්නට හැකියාවක් ලැබුනේ නැහැ.
නමුත් සෞදි කණ්ඩායම ගෝලය වෙත එල්ල කළ ප්‍රහාර තුනෙන් දෙකක් ම ගෝල බවට පෙරලා ගන්නට එම ක්‍රීඩකයින් සමත් වීම ඔවුන්ට මේ ජයග්‍රහණයට මඟ පෑදුවා.
සුපිරි ක්‍රීඩක ලියොනල් මෙසී තරගයේ 10 වැනි මිනිත්තුවේදී දඬුවම් පහරක් සාර්ථක කරගනිමින් ආර්ජන්ටිනාව වෙනුවෙන් එකම ගෝලය ලබා ගත්තා.
Al Shehr තරගයේ 48 වැනි මිනිත්තුවේදීත් Al Dawsari 53 වැනි මිනිත්තුවේදීත් සෞදි ආරාබිය වෙනුවෙන් ගෝල රැස් කළා.
